Lo sindicato aragonés OSTA, chunto a atras organizacions sindicals de diferents países y territorios, participa y empara la huelga cheneral d'este 29 de mayo “en defensa d'os dreitos d'a clase treballadera y la pa exichir responsabilidaz dimpués d'a trachedia d'a DANA lo pasau 29 d'octubre de 2024”.
“Esta mobilización responde a decisions institucionals y empresarials que priorizaron intereses economicos sobre la seguranza y la vida de milars de treballadoras y treballadors, una neglichencia que ha deixau feridas profundas en a sociedat valenciana”, aseveran dende OSTA.
Lo 29 d'octubre de 2024, lo País Valencià estió escenario d'una catástrofe climatica sin precedentes “agreviada per la falta de planificación y coordinación institucional, an las alertas meteorolochicas de risgo extremo no se chestionoron con a celeridat necesaria, lo que exposó a milars de personas a condicions laborals d'alto periglo. S'amago información critica, se coaccionó a los treballadors pa que acudisen a los suyos puestos de treballo baixo plevidas torrencials y ríos esbordaus”, recuerdan dende la formación sindical.
“A situación descrita revela una erosión sistematica d'os dreitos laborals, con especial incidencia en a precariedat habitacional y los retalles en servicios publicos. A lo mesmo tiempo, las politicas d'austeridat afectan la calidat de vida d'a población, reducindo la capacidat de respuesta debant de futuras catástrofes. La falta d'inversión en infrastructuras d'emerchencia, la externalización de servicios sanitarios y educativos, y la privatización de recursos esencials han exacerbau la vulnerabilidat d'as clases populars”, aseguran.
Seguntes David Lázaro, secretario cheneral d'a central aragonesista, “a Huelga Cheneral d'o 29 de mayo en o País Valencià no nomás ye un acto de protesta, sino una mobilización clau enta la reconstrucción d'un sistema que priorice la vida d'as personas sobre los beneficios empresarials”.
Manifest de suport del moviment sindical de classe a la Vaga General del País Valencià del 29 de maig.#VagaGeneral29M@AcordSocialVLC @STEILAS_ @OSTAsindicato @SAT_nacional @la_IAC @STEC_Cantabria @usteasindicato pic.twitter.com/ZvKXPoR1Ys
— Intersindical_Valen (@IntersindicalV) May 26, 2025
