O programa en luenga aragonesa 'Luzía Dueso' refusa quasi 80 solicitutz de centros por falta de recursos

Puyalón denuncia la falta de recursos en a DGA, "destinaus por os presupuestos de l’equipo de Gubierno PSOE-CHA-Podemos", a o Programa d’acercamiento a la luenga aragonesa 'Luzía Dueso'. "Nomás han puesto estar 37 propuestas de centros admitidas, tot estando quasi 80 las que han estau refusadas por a falta de Presupuesto", senyalan.

Dende Puyalón "no imos a permitir que se inviertan recursos en a escuela privada, y menos recursos que habrían d’estar destinaus a protecher lo nuestro patrimonio, y evitar a desaparición d’una luenga en periglo d’extinción como l’aragonés", afirman.

Ta Puyalón "ye claro que si i hai ufierta y buenos recursos, a requesta de l’alumnau y os IES ye altera. "Como muestra os cursos On-line ufiertos por a DPZ dende lo grupo 'En Común', pa l’ensinyanza de aragonés y catalán. Cubiertos de tot bells dos con más de 50 alumnos i alumnas", adhiven.

Por ixo demandan a "os autors d’istos presupuestos PSOE-CHA-Podemos", la "suya corrección y reversión pa que totz IES’s, CEIP’s y CRA’s no se queden sin unos programas d’acercamiento a la luenga aragonesa en trazas".

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies