ARREDOL | O lugar de Lasaosa, en a Guarguera, será a capital d’o chiflo y o salterio iste sabado. Mientres tot lo diya se ferán toda mena d’actividatz arredol d’istos instrumentos ta sinyalers d’Aragón y d’Occitania: taller d’iniciación, clases d’o repertorio gascón, bailes u percusión con pandereta y pandero. Tamién se i ferá una mesa redonda y una exposición de constructors de salterios.
Ista chornada ye estada organizada por l’aula de chiflo y salterio de Zaragoza qui contarán antimás con l’aduya y presencia de mosicos de tot lo país, y tamién venius dende Euskal Herria u Occitania. De nueitz, a trobada rematará con una Jam Session de folk y l’actuación de Lou Aragón.
O lugar, que agora perteneix a lo municipio de Samianigo, ye quasi albandonau encara que siempre bi ha habiu bella presencia. A organización habilitará una zona d’acampada t’os visitants d’a trobada y se ferán chenta y cena populars. Tot lo programa se puet consultar en http://trobadasalterioychiflo.wordpress.com.
