A Pantera Rossa recibe l'hibierno y o nuevo anyo con a exposición de l'Asociación Cultural Nogará sobre cultura aragonesa “Somos: breu repaso a cualques aspectos d’a Cultura aragonesa”. A devantadera d'a exposición se fació ahiere, 21 d'aviento a las 19.00 horas, y remanirá visible d'o 21 de d’aviento dica o 10 de chinero.
Nogará ye una asociación cultural que tien como obchectivo esfender a luenga y cultura aragonesas. L’asociación leva más de vinte anyos fendo cursos d’aragonés en Zaragoza y en atras ciudatz y lugars d’Aragón, tanto presencials como on-line. Antimás, ha publicau a revista Espiello, y totz os anyos organiza as “Chornadas d’as luengas d’Aragón”, y muitas atras actividatz como conciertos, charradas, viaches, etc.
Nogará ye antimás un puesto a on que socializar l’aragonés, fendo d’ísta una luenga viva y de comunicación cutiana tamién en a ciudat de Zaragoza. A siede de Nogará ye en o vico d’A Madalena, en a Plaza Asso. Si quiers meter-te en contacto con l’asociación puetz pasar-te por o suyo local, o visitar o suya web.