Lo premio Espiello Agora x l’aragonés en categoría cheneral a lo millor audiovisual gravau, doblau u subtitulado en aragonés en l'anyo 2023, dotau con 900 euros y trofeo, ha recaito en "Luz de setiembre", de Lola Gracia Sendra. Este treballo conta la historia ocurrida en finalizar la Guerra de 1936, cuan milars de personas s'endrezoron per camins y puertos enta Francia. "Marcial, Joaquín y Alfonso, tres hombres d'un Aragón dividiu y enfrontinau, y con diferents circumstancias personals se preparan pa cruciar o Pireneu aragonés per un paso cercano a lo famoso Portillón en busca d'unas expectativas pa un futuro un tanto incierto. Esta trobada entre desconoixius les ferá replantiar la suya visión d'a guerra, y sin saber-lo la vida d'os cuals deixan dezaga", anyade la sinopsis.
En a categoría escolar lo premio, dotau con una experiencia ludico educativa valorada en 500 euros y trofeo, ha estau pa "Pende de ros 2", coordinau per Miriam Aranda Monteagudo, d'o CEIP San Juan d'a Penya de Chaca. Se trata d'un prochecto desenvuelto per l'Asociación Prochectos Artisticos d'o Pireneu y que ha aconseguiu 1,8 millons de visualizacions en YouTube y ha estau adoptau como "himno educativo" en colechios. "En o curso 2022/2023, un equipo de doce mayestros, versionaron la canción a l'aragonés baixo lo nombre 'Pende de ros 2', dentro d'o programa ‘Luzía Dueso’. Concebiu como material educativo pa las clases de luenga aragonesa, la suya expansión ye un reflecto d'a solidaridat y la esperanza en a preservación de l'aragonés en a zona. Dillá d'a suya valor pedagochica, represienta la voluntat colectiva de protecher la identidat cultural d'Aragón", explica la sinopsis.
Lo churau considera tamién merecedor d'un Accesit a "Batimento", endrezau per Silvia Orós Daga; y a "En a nuei d’as almetas", coordinau per Pili Ibáñez, d'o CEIP Virchen d'os Ríos de Caldearenas.
D'arredol
Este domingo plega la sección D’arredol, que amuestra los treballos realizaus per vecins y vecinas de Sobrarbe y con protagonistas d'esta comarca. La sesión de tarde prencipiará a las 18.00 horas con “Movendo montanyas”, un documental encargau per lo Centro de Servicios Socials d'a Comarca de Sobrarbe, endrezau per la periodista boltañesa Sara Sarrablo, que da a conoixer lo treballo que realizan las auxiliars d'aduya a domicilio. "Una forma de meter en valor lo gran treballo que realizan en os mas de 100 lugars de Sobrarbe, con personas mayors, pero tamién con personas con necesidaz especials. Plegan a cualsequier rincón y acompanyan, mitigan la solitut y aduyan a toz los usuarios d'o servicio y ixo ye lo que se reflecta en este documental", apunta Espiello.
“Cambia la tuya mirada” ye lo zaguer treballo audiovisual de Charlotte Bouguet con as personas usuarias d'o Centro Ocupacional de Valentia en Boltaña. Como en o caso anterior, en concluyir la prochección i habrá un coloquio con os suyos protagonistas.
L'asociación Un paso dezaga protagoniza las dos zagueras procheccions d'a sección D’arredol. “Los guardianes d'as simients ixuplidadas. Asociación Un paso dezaga” ye lo treballo presentau per la productora de Boltaña Osole Visual. Y l'enguero “Haití connexión Pireneu aragonés. Los guardianes d'a simient” ye obra de Susan Labich, afincada en Sobrarbe. En toz dos casos s'amuestra lo treballo de l'asociación en a recuperación y reproducción de simients de cultivos locals y cómo ixe treballo se replega en a gastronomía de Sobrarbe, en o primer documental, pero tamién sirve d'eixemplo en atros puestos d'o mundo, como en Haití.
Espiello se ferá a devantadera oficialment lo 15 de marzo y dica lo día 24, per lo Palacio de Congresos de Boltaña, pasarán mas de 50 procheccions, una exposición, trobadas con os directors de documentals triaus en a sección concurso u procheccions d'alumnos d'a Universidat Complutense de Madrid entre muitas atras citas arredol d'o documental y la etnografía.
