Dende l'aragonesa Fundación Seminario d'Investigación pa la Paz (Fundación SIP) explican que “prencipiamos lo proximo viernes 23 lo nuestro ciclo anyal con o títol ‘Recuperar la Humanidat’. La multicrisis que truca a lo mundo fa que nos permene trobar un diagnostico cheopolitico pa sanar aspectos d'as relacions internacionals y socials, pero, paralizadas per la complexidat d'os problemas immediatos a los cuals atender, no conseguimos reflexionar arredol d’a deshumanización galopante, la quiebra substantiva en a unidat y sentiu d'a Humanidat. Proposamos este tema d'estudio y debat con un enfoque propositivo en o cual profundizar sobre os diferents campos en os cuals podemos contribuyir a recuperar la humanidat”.
En a primera sesión, que introducirá lo president d'honor d'a Fundación SIP, Jesús María Alemany, con o títol ‘Invitación a la interioridad pa estar humans’, participará Pablo d’Ors, sacerdote y escritor, fundador d'o Ret Amigos d'o Desierto, con a suya ponencia ‘Qué ye la interioridat y cómo se cultiva?’. y Carmen Jalón, licenciada en Psicolochía y en Ciencias Economicas, misionera d'a Caridat, congregación fundada per la mai Teresa de Calcuta, con a ponencia ‘Interioridat y cultura d'o cudiau’.
“En Zaragoza, Uesca y Teruel levaremos a cabo los cursos intensivos: Meyación, aportacions educativas y socials a la Cultura de Paz, Prevención, educar en y pa lo conflicto, Practicas restaurativas, Nuevo contexto y retos de la Aduya Humanitaria, y Territorios de Paz”, detallan dende lo SIP.
En o suyo programa d'Educación pa la Paz realizarán las XXIII Chornadas d'Educación pa la Paz, dedicadas este anyo a ‘Lo Humor en a Educación pa la Paz’, las actividaz de Meyación y Educación pa la Paz en centros educativos, la Formación en Ludopedagochia y Practicas Restaurativas y las actividaz en a Biblioteca d'a Fundación SIP pa centros educativos y grupos universitarios.
Amás, a lo largo de l'anyo, presentarán lo libro que replega lo treballo de l'anyo 2025 con o títol ‘Pensar Europa’. La biblioteca y centro de documentación d'a Fundación SIP ye ubierto a lo publico en horario de 10:00 a 14:00 horas y de 17:00 a 21:00 horas. Asinasmesmo, se puede acceder a la información sobre las suyas actividaz en a suya pachina web.
