Tres meses dimpués que lo PSOE “dase la voz d'alarma, lo Gubierno d'Aragón no ha feito cosa per solucionar la falta de oncólogos en o Hospital de Balbastro”. Son parolas de Daniel Gracia, portavoz socialista en o Concello barbastrense, en a reunión que manteneban miembros d'a executiva d'a federación socialista de l'Alto Aragón “con os alcaldes y concejales d'o Somontano”.
A lo suyo chudicio, ye “una situación que se ye prolongado per alto d'o que sería entendible” y recordaba que “dende noviembre s'han feito fotos y han meso diferents parches y solucions temporals que no han amillorau en cosa la situación. A lo contrario, somos pior que alavez perque los pacients d'oncolochía son habendo de retardar las suyas revisions. A lo Gubierno d'Azcón no le intresa cosa que no sía en Zaragoza u la suya aria d'influencia”.
En a trobada, en o cual participaban tamién lo secretario cheneral d'o PSOE Alto Aragón, Fernando Sabés, Miguel Gracia, miembro d'o Comité Federal, y Antonio Biescas, portavoz socialista en a Deputación de Uesca, s'abordaba la zaguera “y ilochica formula pa atender a los pacients” propuesta per lo consellero de Sanidat: que sían los oncólogos d'o Hospital Miguel Servet de Zaragoza “los que pasen tamién consulta en Balbastro. Ye un retalle de personal que carece de tot sentiu” sinyalaba Gracia.
Iván Carpi, portavoz de Sanidat d'o PSOE en as Corz d'Aragón cualificaba esta propuesta como “muito preocupant. Si la plantilla ye fixada en cuatro profesionals, ye perque son necesarios pa atender totas las consultas d'este departamento. Pero si charramos de profesionals que no tienen la suya plaza aquí, sino que vienen dende unatro centro pa cubrir las carencias d'este hospital, son cuatro plazas que se retallan. Y esto va en detrimento d'a calidat d'o servicio que s'ampra y atenta contra la igualdat en l'acceso a la sanidat publica”.
Y anyadiba “son chugando con a salut de cientos de pacients. Queda claro que lo consellero Bancalero no ye un interlocutor fiable. No podemos ixuplidar que fa ya un par de meses se fació una foto chunto a lo suyo president provincial y l'alcalde de Balbastro en a cuala simulaban haber resuelto lo problema. Lo cierto ye que somos debant d'a pior crisi que ha viviu lo servicio d'oncolochía d'este centro hospitalario, pasan los meses y garra d'éls ha solucionado cosa”, concluyiba.
