Lo portavoz d'o Grupo municipal socialista, Daniel Gracia Andreu, ha rechistrau una solicitut en o Concello de Balbastro instando a que se remitan “a l'Instituto Aragonés de Chestión Ambiental (INAGA) las propuestas aprebadas en o zaguer Pleno municipal en contra d'a instalación d'una planta de biogás en o termin municipal”.
En o escrito, Gracia reclama que estas propuestas, aprebadas per mayoría con os votos favorables d'o PSOE, En Común Cambiar Barbastro y Vox, con l'abstención d'o PP, y sin garra voto en contra, s'incluigan expresament en l'informe de sostenibilidad social que lo Concello debe remitir a l’INAGA conforme a l'articlo 55.3 d'a Lei de Prevención y Protección Ambiental d'Aragón.
“Se trata de guarenciar que lo órgano ambiental dispose de tota la información necesaria y fidel sobre la posición institucional d'o Concello y, per tanto, d'a ciudadanía de Balbastro, expresada de forma lechitima a traviés d'os suyos representants”, ha sinyalau Gracia Andreu.
Lo Grupo socialista solicita “que las propuestas plenarias, asinas como los suyos antecedents, se remitan chunto a l'informe y que este incluiga de forma clara y explicita lo refuso politico y social manifestau per lo Pleno a la instalación de la planta”.
Dende lo PSOE de Balbastro se recuerda que “no se puede ignorar una decisión democratica presa en o maximo órgano de representación municipal”, y se pide a l'equipo de gubierno municipal “que actúe con transparencia y leyaltat institucional en un afer de tanta trascendencia pa lo futuro d'o municipio”.
