Lo programa Villanúa Zero, que viene desenvolvendo-se dende fa cualques anyos con diferents charradas y tallers educativos vinculaus con temas medioambientals y de consumo responsable, se va a enfocar en esta edición en a necesidat d'adquirir una consciencia individual y colectiva arredol d'un uso responsable de l'augua. Como sinyala María Béjar, concejal de medioambiente d'o Concello de Villanuga, “ye fundamental subrayar la innegable valor d'o recurso augua, asinas como la implementación de medidas que reduzcan lo suyo consumo y potencien, per contra, lo consumo de proximidat”.
Las chornadas prencipiarán este proximo luns con una visita educativa, que baixo lo títol “El Aguante”, recorrerá las zonas d'o municipio relacionadas con l'augua. Esta actividat, endrezada per El Eventario, se planteya con una perspectiva intercheneracional y meterá l'accento en a importancia historica de l'augua en Villanuga, promovendo que los mayors d'a localidat transmitan cómo s'ha realizau un uso responsable d'este recurso historicament. La visita prencipiará a las 17.30h en o Chardín d'a Oficina de Turismo y ye endrezada a toz los publicos.
Paralelament se va a crear una ruta virtual estable en a cuala per medio de codigos QR ubicaus en os puestos visitaus, se dará valor a los usos tradicionals de l'augua y a lo suyo consumo responsable. Este prochecto, baltizau como “Camino de la Fuente”, navega, seguntes los suyos promotors, “entre lo documental y l'artistico, bebe d'a psicocheografía, la psicolochía social, la cartografía etnográfica y la literatura”. Contiene tecnicas d'a cartografía etnográfica pa representar, a traviés d'un mapa de significaus, experiencias y practicas, lo sentir d'os puestos de Villanuga -A Chacetania- per an l'augua pasó y pasa.
Iniciativas como esta, que combinan novedosas tecnicas y procesos didacticos con una mirada permanent a la tradición, responde, seguntes María Béjar, a “la ideya que tenemos de disenyar las actividaz de Villanúa Zero dende una perspectiva multidisciplinar que permita que dende un enfoque cientifico, historico y practico se meta en valor la reducción d'o consumo d'augua”.
Lo martes, 3 de setiembre, se desenvolverá a partir d'as 17.30hs en o Chardín de Simultánea (chunto a lo Fosal Viello), lo taller familiar “Agua, mundialmente conocida”, endrezau tamién per El Eventario. Se trata d'una experiencia practica de conscienciación ambiental en a cuala, a traviés d'un recorriu per lo mundo, s'analisarán las distintas formas que s'aplican pa reducir lo consumo d'augua.
Lo sabado, 21 de setiembre, tendrá puesto en o Espacio Sarrios a partir d'as 11 d'o maitín lo taller “Menstruación sostenible”, endrezau per lo prochecto d'artesanía textil, Nana Terra. En o transcurso de l'actividat s'elaborarán materials pa una menstruación sostenible. Ye necesaria inscripción previa ya que lo aforo ye limitau.
Ixe mesmo día, pero en o Gastroespacio y a partir d'as 17.30h, Nana Terra endrezará un taller concebiu pa un publico familiar con o títol “Ahorro de agua en productos cotidianos”, en o cual s'elaborarán productos sostenibles pa lo fogar. Igual que l'anterior taller, requiere previa inscripción.
Lo 7 d'octubre se ferá a devantadera en o CIN (Centro d'Interpretación) de Villanuga la exposición “La vulnerabilidad e importancia de los acuíferos kársticos”, comisariada per la cheóloga Reyes Giménez. La muestra será formada per panels divulgativos que permitirán conoixer la importancia y vulnerabilidat d'os acuifers karsticos que caracterizan l'entorno de Villanuga.
Lo programa Villanúa Zero de 2024 incluyirá finalment una charrada de divulgación cientifica endrezada a escolars, impartida per Reyes Giménez, que amostrará l'orichen de l'augua que consumen y la importancia de reducir lo suyo consumo. Nana Terra endrezará amás un taller pa escolars baixo lo títol “Gestos diarios para reducir nuestro consumo: el jabón artesanal”.
