Este pase especial ye organizau per l'Asamblea Canal Roya “asociación que la suya colaboración y implicación dende l'inicio d'o documental ha estau crucial, adquirindo amás entre lo crowdfunding, la preventa de dreitos d'exhibición pa la ciudat de Chaca”, destacan dende Bordonaba Films.
L'Asamblea ye un colectivo ciudadano compromeso con a protección y la defensa d'a val u Canal Roya y lo suyo entorno natural en o Pirineu aragonés y surte como una respuesta a la creixent preocupación per la conservación d'este valuroso ecosistema, abogando per un desembolique sostenible que respecte las valors naturals, paisachisticos y culturals d'a redolada y d'o conchunto d'o país aragonés. A traviés de diversas iniciativas, l'asamblea busca sensibilizar a la sociedat sobre la importancia de preservar estes espacios y promover alternativas que guarencien lo suyo futuro.
Bordonaba Films ye una productora audiovisual con una destacada trayectoria en a realización de documentals etnográficos y compromesa con a naturaleza, lo meyo ambient y las problematicas socials. Lo suyo treballo se caracteriza per una narrativa cudiada, una estetica visual impactant y un profundo respecto per los temas que aborda, buscando chenerar reflexión y consciencia en o espectador y que conta con mas de sixanta premios internacionals.
Lo documental "Montañas en Armonía", ha estau reconoixiu a libel nacional y estatal con galardons como lo Premio a Millor Largometraje en a 18ª edición de Ecozine Film Festival y lo Premio Aragón TV, y tamien a lo Millor documental de Meyo ambient en a 35 edición d'o prestigioso Certamen Maria Luisa, en ofrir una poderosa mirada a la interconnexión vital entre la naturaleza y las comunidaz humanas que habitan las montanyas, subrayando la urchencia d'a suya conservación debant de las amenazas actuals.
Este evento, organizau con l'obchectivo de chenerar consciencia y debat en a comunidat local, brindará una oportunidat solenca pa reflexionar sobre lo futuro d'o Pirineu, la necesidat d'un modelo de desembolique respectuoso con o meyo ambient y lo papel crucial d'a participación ciudadana en a protección d'os nuestros espacios naturals.
L'Asamblea Canal Roya convida a totas, todes y toz los interesaus a asistir a este important evento, con dentrada libre dica completar aforo, lo proximo 24 de mayo a las 19:00 horas, en o Palacio de Congresos de Chaca.
