José Serveto, alcalde de Plan, fa referencia a la negativa recibida per l'executivo aragonés pa amillorar la iluminación d'os túneles d'a A-2609. “La sola carretera que da acceso a esta zona de Sobrarbe ye en unas condicions lamentables”, subraya.
Lo primer edil de Plan recuerda que este verano i habió cuantos accidents en l'interior d'os túneles “y agora dicen que no i hai informe que acredite la necesidat d'iluminar-los. No ye suficient causa la siniestralidad en esta vía? Se les imple la boca charrando de grans medidas contra la despoblación, pero los habitants d'o meyo rural no amenestemos prochectos faraónicos, amenestemos carreteras dignas que nos permitan plegar a casa de traza segura”.
Per ixo, Serveto convida a lo president Jorge Azcón “a tornar a la Val de Chistau y fixar-se millor en este tramo carretero. No dudamos que alavez quitará d'o cajón los 200.000 euros que tienen pa actuar en os túneles. Son presupuestaus pero alzaus en un cajón”. Y ha recordau que “fa tan solo uns días lo president aragonés avantaba d'as inversions en Sobrarbe a traviés d'o Plan Pirineus. Charraba de 29 millons d'euros, pero aquí no han invertiu ni un solo euro”.
Finalment, l'alcalde Serveto ha incidiu sobre “las ‘largas’ que hemos recibiu a lo largo d'estes dos anyos pa prencipiar con la reforma integral d'esta carretera. Lo prochecto ye, nomás cal dar lo paso pa enchegar los treballos. Entremistanto, seguiremos reclamando lo nuestro dreito a vivir en o lugar que hemos triau y reivindicando lo mantenimiento d'esta carretera, que ye competencia d'o Gubierno d'Aragón”.
