Lo Centro d’Estudios Turiasonenses promueve iste encuentro “d’estudiosos d’a luenga aragonesa ta prencipiar o camín enta un atlas interactivo d’a luenga aragonesa en tota a suya dimensión historica y territorial”.
En a chornada se charrará d’a historia de l’aragonés, d’a suya expansión más allá d’as mugas d’o Reino d’Aragón y d’a diversidat en a conservación y perda d’a luenga aragonesa.
En l’actualidat tenemos a fortuna de tener una Academia Aragonesa d’a Luenga (AAL), an se treballa de traza cooperativa ta normativizar aragonés y catalán dende una perspectiva aragonesa. “Y ta que l’AAL pueda desenvolver millor o suyo treballo miraremos de fomentar a representatividat d’as varietatz historica y territorial y d’aduyar dende diferents personas y colectivos a colaboración con l’AAL”, remarcan dende a organización.
Ta ampliar a información, o Centro d’Estudios Turiasonenses mete a disposición publica os siguients vinclos a las emisiones en streaming d’a chornada: sesión d’o maitín, sesión d’a tarde, y una pachina web ta ampliar información.
