Ligallo de Fablans de Zaragoza suspende a charrada de Chusé Raúl Usón

[11.30] NdP.- Zaragoza, 9 de mayo 2013 | Ligallo de Fablans | Sentimos asaberlo suspender a charrada de Chusé Raúl Usón que yera programada ta iste biernes 10 de mayo. No queremos arrezagar a oportunidá de sentir a iste escritor y editor, asinas que prebaremos de trobar luego un inte en que seiga posible a charrada. Informaremos de o puesto, diya y ora malas que lo i dezidamoz. ... [08.00] Ligallo de Fablans de Zaragoza contina zelebrando as trenta añadas de a suya creyazión, aora con un ziclo de charradas de miembros y ecsmiembros de Fablans que nos rezentarán qué fan …

ligallo fablans[11.30] NdP.- Zaragoza, 9 de mayo 2013 | Ligallo de Fablans | Sentimos asaberlo suspender a charrada de Chusé Raúl Usón que yera programada ta iste biernes 10 de mayo. No queremos arrezagar a oportunidá de sentir a iste escritor y editor, asinas que prebaremos de trobar luego un inte en que seiga posible a charrada. Informaremos de o puesto, diya y ora malas que lo i dezidamoz.

...

[08.00] Ligallo de Fablans de Zaragoza contina zelebrando as trenta añadas de a suya creyazión, aora con un ziclo de charradas de miembros y ecsmiembros de Fablans que nos rezentarán qué fan por l’aragonés difuera de Fablans.

Aintro de Fablans perén han habiu personas con basemias arredol de a lengua aragonesa y as trazas d’achuntar a cultura popular con a modernidá de o sieglo XX. L’inte istorico de a creyazión de Ligallo de Fablans de l'Aragonés, dimpués d’establir-se a democrazia y a nesezidá ziudadana de compartir y colaborar en proyeutos sozials aduyó á que muitos sozios con esferens cualidaz artisticas y teunolochicas creyasen binclos con fruitos sobrebuenos.

Sin dembargo, Fablans no aconsiguió arroclar toda la enerchía d’istos chobens, bien porque no bi eba espazio ta más autibidaz u porque as endrezaras profesionals suyas los han enfilau á continar con lo que enzetón astí.

En iste ziclo de charradas, que durará dica chunio, queremos amostrar á la soziedá la balura personal y profesional de buena cosa de sozios que han siu capables de poner á Fablans en a banguardia de lo popular. Ista parti ya la i conoxemos. Aora queremos saper qué han feito los que han pasau u siguen estando en Fablans difuera de o marco asoziatibo en a suya bida pribata u profesional arredol de a lengua y a cultura en aragonés. Ligallers ilustres que han continato con a mesma basemia, pero por cuenta suya.

Dimpués de Roberto Serrano, ahora li toca o turno á Chusé Raul Usón, miembro fundador de Ligallo de Fablans de l'Aragonés y presidén en as primeras añadas. Nos charrará arredol de a suya trayeutoria como escritor y como editor en Xordica. L’auto se zelebrará iste biernes 10 de mayo en o Zentro Zebico Salvador Allende (matadero), c/ Florentino Ballesteros á las 19.00 oras.

Ligallo de Fablans | Ta AraInfo

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies