Podrez cremar os libros
y viedar-los.
Podrez furtar todas as parolas que cullen
en os diccionarios.
Podrez sinyalar-me con o dido por charrar en ista fabla.
Podrez tallar-me a luenga.
Podrez rancar-me a vida.
Pero nunca no podrez fer callar a mía voz
porque no podrez evitar
que o mío corazón sienta,
que o mio esmo chile,
que contine pensando
y soniando...
...en aragonés.
Y quan muera, moriré yo
pero no a mía voz.
Porque moriré y seré tierra y d'a tierra saldrán flors
que -con o suyo silencio- charrarán iste idioma con as suyas colors...
