Una d’as personas más reconoixitas, y reconoixibles, en l’universo dichital ye l’etnógrafo aragonés Eugenio Monesma, y asinas, cabalgando as contradiccions propias d’o nuestro tiempo, ye dispuesto a ganar-le a partida a l’ixupliu, recuperando en as pachinas d’un nuevo volumen de 100 oficios ta o recuerdo “o saber y l’esfuerzo d’os artesans y artesanas d’antis”.
En estas nuevas pachinas veyeremos a Andrés, de Fabara, Comarca del Baix Aragó-Casp, fer una pelota de fútbol con piel de vacuno, conoixeremos toz os secretos d’a elaboración d’obleas d’a man de Dolores, maestra repostera de La Alberca (Salamanca), observaremos a Pedro, arader d’a isla de Menorca, fabricar una barrera con oliveras silvestres, y nos acercaremos a muitos atros hombres y mullers que s’ufrieron a amostrar as suyas actividatz productivas, todas ellas ilustradas con fotografías que forman parte de l’archivo único de l’autor.
Con este nuevo viache por a cheografía rural, Monesma nos brinda l’oportunidat d’onrar con calma a memoria d’os nuestros antepasatos y celebrar, argüellosos, o suyo valioso legado.
Recuperar y conservar a memoria
Esta ye una obra dedicada a recuperar y conservar a memoria de cient actividatz tradicionals que han desapareixito u se troban en periglo de cayer en l’ixupliu. O cineasta y etnógrafo aragonés Eugenio Monesma presenta estes oficios como parte fundamental d’a historia y d’a cultura popular, especialment d’a Espanya y l’Aragón rural. No se tracta nomás de describir treballos antigos, sino de amostrar os conoiximientos, as ferramientas, as costumbres y as formas de vida que yeran ligadas a ellos.
Monesma parte d’os suyos propios recuerdos d’infancia y d’as experiencias que ha acumulau durant más de quaranta anyos recorriendo lugars y entrevistando artesans, labradors y treballadoras.
100 oficios para el recuerdo ye un homenache ta as personas que mantuvieron vivos estos conoiximientos y que hue per hue son autenticos “museos vivos d’a cultura popular”. Monesma invita a valorar o patrimonio rural, comprender l’esfuerzo d’as cheneracions anteriors y reflexionar sobre a gran transformación que ha experimentato a sociedat en pocas décadas.
Eugenio Monesma, con más de 40 años de trayectoria profesional, a lo largo d’os cuals ha gravau 3.400 documentals sobre oficios perdidos, gastronomía popular y tradicions, lo convierten en o poseedor de l’archivo audiovisual y fotográfico más gran sobre a cultura tradicional y l’etnografía d’o nuestro país y d’o Estato español.
Dende finals de 2020, Eugenio Monesma publica semanalment os suyos documentals en o suyo canal de YouTube, an que en 2023 consiguió o botón d’oro por superar o millón de subscripcions. Tamién ye present en atras retz socials, como Instagram, TikTok, Facebook y X, an que o suyo éxito trespasa mugas y cheneracions.
