Lei de Lenguas: Una Lei en punto amortato e "marcha enta zaga"

O día 17 d´abiento de 2009 se produzió en as Cortes Aragonesas un acontezimiento luengamén aguardato: L´aprebazión d´una " Lei de protezión e promozión de as lenguas propias d´Aragón". Dimpués de barias tentatibas malmetitas en a decada anterior se cumplió lo prometito. A Lei, que á ra fin reconoxeba a pluralidá lingüistica d´Aragón, declaraba que l´aragonés e o catalán son lenguas propias d´ista tierra e guaranziaba a suya conserbazión, uso, promozión y espardimiento. Ista Lei remeraba que cada lengua poseye unas carauteristicas que la fan unica e, por ixo, de gran balura en a demba patrimonial. O desarrollo d´ista Lei …

O día 17 d´abiento de 2009 se produzió en as Cortes Aragonesas un acontezimiento luengamén aguardato: L´aprebazión d´una " Lei de protezión e promozión de as lenguas propias d´Aragón". Dimpués de barias tentatibas malmetitas en a decada anterior se cumplió lo prometito.

A Lei, que á ra fin reconoxeba a pluralidá lingüistica d´Aragón, declaraba que l´aragonés e o catalán son lenguas propias d´ista tierra e guaranziaba a suya conserbazión, uso, promozión y espardimiento.

Ista Lei remeraba que cada lengua poseye unas carauteristicas que la fan unica e, por ixo, de gran balura en a demba patrimonial.

O desarrollo d´ista Lei de Lenguas, mesmo estando una bastida legal prou encletata, permana dende fa una añada, en un punto amorezito.

As reziens declarazions de a consellera d´Amostranza, Unibersidá, Cultura y Esporte, nunziando as linias chenerals d´una nueba Lei de Lenguas, que fería caducar l´anterior, siñalan unos deziditos mobimientos que no serán, prezisamén, enta debán, sino de "marcha enta zaga".

Dende o REA (Rolde de Estudios Aragoneses) queremos manifestar a nuestra más fonda preocupazión por as modificazions que pueda sufrir a normatiba anterior e os retallamientos que pueda suposar en os dreitos de os portadors autibos d´istas lenguas minoritarias nuestras. Esperamos e deseyamos que no se cometan esferras e que sin eufemismos ni embolicamientos se clamen a ras cosas por o suyo nombre. Que l´aragonés e o catalán se reconoxcan en a lechislazión. Que s´adouten midas que guaranzien a conserbazión d´istas lenguas en as zonas de a suya utilizazión, que se promueba a suya presenzia en os meyos de comunicazión e que formen parte autiba de o sistema d´amostranza.

REA | Rolde de Estudios Aragoneses

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies