L’Academia Aragonesa de la Lengua celebró este pasau mierques, 18 de febrero, la I edición de “Voces d’Aragón - Veus d’Aragó”, adedicada estianyo a lo poeta y escritor Ánchel Conte, baixo lo lema “La voz que no s’amortará”, que s’abanza a los actos de celebración d’o Día Internacional d’a luenga materna. L’acto se fació en l’Aula Magna d’o Paraninfo d’a Universidat de Zaragoza, dende as 16:30 horas.
La chornada s'ubrió con l’acto inaugural en o cual intervinió lo vicerrector de Cultura d’a Universidat de Zaragoza, Eliseo Serrano, lo president de l’Academia Aragonesa d’a Luenga, Javier Giralt, lo director de l’Instituto de l’Aragonés, Juan Pablo Martínez, y Ignacio Barroso, mariu d’Ánchel Conte. Contino, se celebró un bloque de ponencias sobre lo legado y la obra de l’autor, con a participación de Juan José Generelo, Chusep-Raúl Usón y Antonio Pérez Lasheras.
Contino, habió una mesa redonda sobre la escritura en luengas minorizadas, conducida per l’academica Marta Marín Bráviz, con a participación de Lucía López Marco, Inaciu Galán y González y Merche Llop Alfonso, escritors en luenga aragonesa, asturiana y catalana, respectivament. La chornada se zarró con una sesión musical a cargo de Gabriel Sopeña y un brindis final en memoria d’Ánchel Conte.
