Televisión Espanyola (TVE) ha emitió un programa especial pa celebrar la dentrada en o nuevo anyo 2023. "En esta programación musical en a quala amaneixen diferents interpretacions en diferents estilos, nomás i hai habiu presencia d'o castellán; en contraposición con a realidat lingüistica d'o Estau en o qual i hai seis luengas (oficials u no) que conviven con o mesmo (catalán, occitano aranés, aragonés, euskera, asturiano y galego), pero en ixe programa nomás i hai habiu presencia d'a luenga castellana", critica l'Asociación Cultural Nogará-Religada en un comunicau.
Las organizacions de reivindicación lingüistica, entre las qualas se troba Nogará, consideran que "ye una total falta de consideración per parte de Radiotelevión Espanyola en no tener en cuenta a las diferents luengas d'o Estau en este programa". Amás, "ixa presencia monolingüe chenera una minusvaloración d'os diferents artistas y grupos que fan musica (en os suyos diferents estilos) en as luengas diferents a lo castellán".
Esta falta de creyacions musicals en as diferents luengas d'o Estau (oficials u no) "suposa un greuche a la realidat multilingüe y multicultural d'Espanya", que "amás choca con a propia Constitución espanyola que en o suyo articlo 3.3 fa mención a la diversidat lingüistica (“La riqueza d'as distintas modalidatz lingüisticas d'Espanya ye un patrimonio cultural que será obchecto d'especial respecto y protección)".
Per estes motivos, reclaman a RTVE "un mayor respecto a la diversidat lingüistica, y a las musicas feitas en as diferents luengas d'o Estau". "Resulta increyible que un ente publico amague de forma deliberada la pluralidat y realidat lingüistica d'Espanya", anyade Nogará.
Las organizacions que sinyan este comunicau -Nogará, A Mesa, Euskalgintzaren Kontseilua, Iniciativa pol asturianu, Ciemen, Folc, Escola Valenciana, Tirant, Obra Cultural Balear, Plataforma per la Lluenga y Òmnium Cultural- presentarán conchuntament una reclamación a RTVE "pa acabar con esta discriminación a los nuestros idiomas pa que la televisión publica d'o Estau tienga respecto, consideración y sensibilidat pa las luengas d'o Estau".
