L'alcuerdo estió suscrito per lo president d'a Comarca de Sobrarbe, José Manuel Bielsa Manzano, y per lo president de l'Academia Aragonesa de la Lengua (AAL), Javier Giralt Latorre. En l'acto tamién participoron Carmen Muro y Juan Pablo Martínez, en calidat de secretarios d'a AAL.
L'Academia Aragonesa de la Lengua ya ha colaborau anteriorment con a Comarca de Sobrarbe, formando parte d'o churau d'a sección Agora x l’aragonés d'o Festival Internacional de Cine Documental Etnográfico Espiello.
Con a sinyatura d'este convenio, totas dos institucions reafirman la suya voluntat de treballar conchuntament en os suyos respectivos ambitos competencials pa empentar la conservación y difusión d'o patrimonio lingüistico aragonés en a Comarca de Sobrarbe.
