Dimpués de l'exito d'a I Edición celebrada en Samianigo, esta segunda entrega ha superau totas las expectativas, reunindo a mas de 200 personas y conseguindo aforo completo dende la obridura dica lo zarre de l'evento.
Asinas pues “A Chugar” se consolida como una cita imprescindible pa los amantes d'os chuegos de mesa y lo rol. Entre tota la chornada, chugadors y chugadoras de totas las edaz, dende familias con ninos y ninas dica veteranos d'o tablero “desfrutoron d'un sinfín d'actividaz en un ambient acullidor y entusiasta”.
L'evento no nomás permitió desfrutar de grans chuegos, sino que tamién fomentó la socialización, l'aprendizache y lo escubrimiento de nuevas experiencias ludicas. La diversidat d'o publico asistent y lo gran interés contrimostrau reforzan la importancia d'este tipo d'iniciativas en Chaca.
“Queremos agradeixer a las editorials y colaboradors que han feito posible esta chornada, Falomir Juegos, Zacatrus, 2 Tomatoes, HT Publishers, Juegos del Alto Aragón, Bastión de Mundos, Zentral Games, Juegalto Aragón y Concello de Chaca, asinas como a cada persona que s'amanó a compartir la suya pasión per los chuegos. Gracias a este exito, dende la organización ya somos pensando en a proxima edición, con mas actividaz, mas chuegos y, sobre tot, mas diversión”, aseguran.
