Fendo Orella entrevista a Camille

Encetamos l’anyo con una entrevista a Camille, chovena colla que nos trayo ta l’estudeo o soniu d’o suyo sudor-core reculliu en Xuto, segundo treballo d’a colla que presentaran iste sabado 19 de chinero en l’AV Arrebato.

Nos minchemos quasi de raso o tiempo d’o programa con ista sucosa entrevista, allora que no nos ne quedo que ta fer breument un repaso a las chornadas organizadas por A Enrestida sobre Prochectos de comunicacion en luengas minoritarias, a o Festival Zapatista organizau por Caracol Zaragoza y as novedatz tamien en o mundo ciclista. Con una canta traducida de Chavela Vargas nos despidiemos, dica o lunes venient a las 22.00 horas en Radio Topo 101.8fm.

Baixa-te-ne u ascuita o nuestro zaguer programa astí.