Fendo Orella: 4F, antifaixismo, ecolochía y barucas barrenadas dende o cado

Iste zaguer lunes charremos d'o montache d'o 4F, que feba cabo d'anyo, noticias relacionadas con os episodios de violencia faixista de istos zaguers diyas: a muerte d'o choven militant antifaixista en París, de mans de una colla de neonazis a on que yera un nazi espanyol, y altra mas cercana, d'as companyeras de Radio La Granja, a on que amaneixió pintada la suya frontera con simbolochía nacionalsocialista. Se informó de a situación de Yesa, con a venient manifestación en Sangüesa/Zangoza o sabado 15 de chunyo. Tos convidemos a ir en coritatis en bicicleta por a nuestra ciudat en una fita …

fendo orellaIste zaguer lunes charremos d'o montache d'o 4F, que feba cabo d'anyo, noticias relacionadas con os episodios de violencia faixista de istos zaguers diyas: a muerte d'o choven militant antifaixista en París, de mans de una colla de neonazis a on que yera un nazi espanyol, y altra mas cercana, d'as companyeras de Radio La Granja, a on que amaneixió pintada la suya frontera con simbolochía nacionalsocialista.

Se informó de a situación de Yesa, con a venient manifestación en Sangüesa/Zangoza o sabado 15 de chunyo. Tos convidemos a ir en coritatis en bicicleta por a nuestra ciudat en una fita anyal: a ciclonudista, fendo ficacio que Zaragoza estió lo primer puesto a on que se fació por prmer vez iste afer, y en levamos 13. En a sección, sinyor Barrenau fació a parola arredol d'as obras de "Games of Thrones", un amiro de libros que se han feito famosos, igual como a serie alacetada en ixos mesmos.

O sabado 15 de chunyo dende as 20.00 horas en a Via Lactea, en a Carrera Doctor Palomar se i ferá a Gala d'os 20 anyos de Radio Topo y se i rifará o capazo, plen de presents, que mientres ista semana se exposará en iste mesmo puesto ta que la podatz viyer.

Tranquemos o debantzaguer programa d'a temporada con a canta adedicada a todas as aborichens d'o país: "Da-le aborigen"de Todos tus Muertos. O venient lunes en Radio Topo nos i veyemos, u nos sentimos... 101.8 fm.

Puedes sentir o programa aquí.

Fendo Orella
Radio Topo 101.8 fm (Zaragoza)
http://fendoorella.wordpress.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies