Culturas  Portada

Este sábado, emisión de raso en aragonés en Radio Topo

Con enchaquia d’o cabo d’anyo d’a Carta Europeya d’as Luengas Minoritarias, maitín sabado 5 de noviembre de 2011  feremos una emisión especial en Radio Topo 101.8 FM d’estrela a estrela, y de raso en aragonés. Una buena ripa de chent nos i arroclaremos ta celebrar iste día y fer qualcosa novedosa. Qualcosa novedosa en a...
| 4 noviembre, 2011 10.11

Con enchaquia d’o cabo d’anyo d’a Carta Europeya d’as Luengas Minoritarias, maitín sabado 5 de noviembre de 2011  feremos una emisión especial en Radio Topo 101.8 FM d’estrela a estrela, y de raso en aragonés.

Una buena ripa de chent nos i arroclaremos ta celebrar iste día y fer qualcosa novedosa. Qualcosa novedosa en a radio aragonesa, prou que sí, porque en atros puestos con luengas minorizadas no’n ye tanto: <http://www.youtube.com/watch?v=UREtOSNacv4>

Luen d’intreses comercials, Radio Topo 101.8 FM, radio libre zaragozana que emite dende fa ya 18 anyadas, prene ista iniciativa en esfensa de todas as luengas minorizadas como patrimonio d’a humanidat y en concreto de l’aragonés como luenga con mayor risque de desapareixer de toda Europa, y tos convida a que faigatz parti d’ella sentindo-la, escribindo por mail u gritando a o telefono 976 29 13 98.

Ascuítanos en o 101.8 d’a freqüencia modulada u a traviés d’internet.

¿Cómo ascuitar Radio Topo 101.8 FM por internet?

Ye de buen fer, ves t’a nueva pachina de Radio Topo ( http://radiotopo.noblezabaturra.org/) y puncha en o vinclo d’alto que se diz “Streaming” Malas que i punches s’ubrirá un vinclo que has d’ubrir con bell reproductor de soniu que tiens en l’ordinador tuyo.

Atra opción ye que ubras dreitament o vinclo d’o streaming ( http://lorenzo.traci.es/icecast/rtopo.mp3) en o tuyo reproductor de soniu.

Horarios y conteníus

Más de dotze horas de programación, d’estrela a estrela y de raso en aragonés: especials de programas de Radio Topo, mosica en directo, curset practico d’aragonés, cuentos de concienciación ambiental ta ninos, cocina, programas d’atras radios libres, feminismo, debat, rufierta, sorteyos, especials de mosica, echolochía, bicicleta y asinas-asinas.

Sona o revel. De 10 a 11 horas

Enguero d’a emisión y curset practico d’aragonés, a solución a todas as dubdas que siempre has tenidas.

Prou, prou luen. De 11 a 12 horas

Cuentos ta un esvenider sostenible. Entrevista y cuentos ta nin@s.

La Enredadera. De 12 a 13 horas

Especial d’o programa de Radio Topo, en aragonés.

Nos veyemos en a Carrera Mayor. De 13 a 14 horas

En a radio d’iste vico nos chuntamos a charrar: charrazos, guisos y atros quefers.

Quan tenébanos cerras. De 14 a 15 horas

Mosica en luengas minorazadas en as anyadas 80 y 90.

A Lucana. De 15 a 16 horas

Programa de l’antigo “As Zien Claus” y actual “Mosica y parolas” de Radio MAI.

Fendo Orella. De 16 a 17 horas

Especial d’o programa de Radio Topo, en aragonés, igual como siempre.

A Clau Roya. De 17 a 18 horas

Mullers libres en una Aragón libre.

Fillos de l’Angunia. De 18 a 19 horas

Hijos del Agobio de Radio Topo, en aragonés.

Os repuis. De 19 a 20 horas

Una mica de tot: actualidat, debat, sciencia, mosica…

Rueda Libre. De 20 a 21 horas

Especial d’o programa en Radio Topo d’o colectivo Pedalea, en aragonés.

Esfendemos a tierra. De 21 a 22 horas

Prochectos de barra a barra d’Aragón que miran d’estricallar-lo.

<http://an.wikipedia.org/wiki/Carta_Europeya_d%27as_Luengas_Rechionals_u_Minoritarias>

Fendo Orella | Para AraInfo

4 noviembre, 2011

Autor/Autora


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR