En iste sentiu, a plataforma Esfendemos as Luengas amuestra a suya satisfacción y apunta que “sabemos que totz dos no son parladors d’aragonés, pero bien sabemos que ye un sinyal que va a marcar l’empecipie d’una nueva etapa d’a politica en Zaragoza y que asperamos que s’estendille enta toda la vida institucional d’Aragón”.
“Dezaga quedoron os tiempos d’as risalletas y a vulgarización de l’aragonés. Muitas y muitos d’os concellals que se ridioron de l’aragonés ya no i son, atros ya no han estau esleius por os zaragozanos y as zaragozanos, y en bell caso mesmo o suyo partiu ha perdiu a representación en o Concello de Zaragoza”, adhibe Esfendemos as Luengas.
En zaguerías, a plataforma da a “norabuena” a os "movimientos socials, ciudadans y ciudadanas, y partius" que conforman Zaragoza en Común, y les deseya "muita suerte" en a suya nueva andadura.