Doscientos miners protestan debant d’a siede d’o Parlamento aragonés

Una colla d'alcaldes y sindicalistas miners heba estau convidau por a oposición t'o debat sobre a situación d'o sector, entre que bellas doscientas personas protestaban difuera por as retalladas. Bells doscientos miners se chuntoron iste chueves en as Cortes d’Aragón ta continar as suyas protestas entre que s’aprebaba una serie de mida sobre o futuro d’o sector. O colectivo miner albandonaba o exterior d’o recinto d’o Palacio de l’Alchafaría, siede d’o parlamento aragonés, dimpués d’as 22.30 d’a nueit. Aintro d’o Palacio se trobaban bells vinte alcaldes y sindicalistas d’as cuencas mineras de Teruel, que heban estau convidaus t’o debat en …

Foto: Primo Romero
Manifestación de miners o 30/05 en Zaragoza. Foto: Primo Romero
[/caption]

Una colla d'alcaldes y sindicalistas miners heba estau convidau por a oposición t'o debat sobre a situación d'o sector, entre que bellas doscientas personas protestaban difuera por as retalladas.

Bells doscientos miners se chuntoron iste chueves en as Cortes d’Aragón ta continar as suyas protestas entre que s’aprebaba una serie de mida sobre o futuro d’o sector. O colectivo miner albandonaba o exterior d’o recinto d’o Palacio de l’Alchafaría, siede d’o parlamento aragonés, dimpués d’as 22.30 d’a nueit.

Aintro d’o Palacio se trobaban bells vinte alcaldes y sindicalistas d’as cuencas mineras de Teruel, que heban estau convidaus t’o debat en o parlamento por as collas d’a oposición, CHA, PSOE y IU. Istos han prebau d’interrumpir a sesión en cualques ocasions con chilos y estrapalucio.

Entre os asistens t’o debat, i yeran os responsables de minería d’UGT y CCOO, Aurelio Rodrigo y antonio Herrero; os dirichents socialistas de Teruel Vicente Guillén u Antonio Arrufat, y alcaldes de bellas localidatz mineras como Alcorisa u Alloza.

Os afectaus por a situación d’o sector no han puesto reprimir, mientres tot o debat, as suyas protestas en directo contra os politicos de PP y PSOE y mesmo a sesión a plegau a aturar-se mientres un rato ta demandar calma y rispeto por as darias de parolas. A la fin, os convidaus han permitiu que rematase lo debar, encara que os chilos han continau terne que terne.

As doscientas personas que bi heba difuera de l’Alchafaría son estadas asperando que’n salisen os politicos ta continar con as suyas reivindicacions, encara que a policia ha impediu que bi hese más altercaus. De feito, bells diputaus han remaniu en aintro d’as Cortes, a qui a policia les heba consellau de no salir-ne, de conchunta con bells treballadors d’o parlamento. A la fin os miners en han marcha de traza pacifica, mesmo sincusando-se con bells achents por as pleitinas.

As collas d’oposición a lo Gubierno d’Aragón (PSOE, CHA y IU) han demandau a l’Executivo aragonés (PP y PAR) que se una a los imners en as suyas protestas contra as retalladas en o sector y les refirme, ya que, en caso contrario, a situación puet levar t’o ‘cierre d’a minería’.

Fuente: Arredol

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR