Darréu denuncia la coordinación de policía y neonazis pa combatir la rempuesta social

InfoAsturies | Dende la mocedá independentista y revolucionario denuncien l'actuación policial del pasáu sábadu. Dende Darréu quixeron poner públicamente de manifiestu "los fechos asocedíos esti pasáu sábadu en Xixón, onde grupúsculos neonazis trataron de reventar la mani de los afeutaos pola hipoteca y onde la policía cargó, xunta los neonazis, contra la concentración anti-facista que se cellebró, pa protestar contra una charra nun espaciu público onde intervino un neonazi". En primer llugar, denuncien dende la organización de mocedá que "los organizadores de les xornaes d'Hestoria Militar siguieron alantre cola charra d'un neonazi depués de saber que podría haber problemes y …

antifaixismoInfoAsturies | Dende la mocedá independentista y revolucionario denuncien l'actuación policial del pasáu sábadu.

Dende Darréu quixeron poner públicamente de manifiestu "los fechos asocedíos esti pasáu sábadu en Xixón, onde grupúsculos neonazis trataron de reventar la mani de los afeutaos pola hipoteca y onde la policía cargó, xunta los neonazis, contra la concentración anti-facista que se cellebró, pa protestar contra una charra nun espaciu público onde intervino un neonazi".

En primer llugar, denuncien dende la organización de mocedá que "los organizadores de les xornaes d'Hestoria Militar siguieron alantre cola charra d'un neonazi depués de saber que podría haber problemes y de saber quien yera realmente este señor. La organización d'esti eventu, entamáu nel Antiguu Institutu, sabía de sobra qu'había una concentración antifacista convocada pola ideoloxía nazi-facista d'un de los ponentes d'estes xornaes. Tuvieron informaos tamién, en too momentu, de qu'esta persona tenía espublizaciones de calter racista, imperialista y facista, editaes, dalguna d'elles, por editorias abiertamente facistes. Tamién fueron informaos, pesie a tratar d'aparentar refugar a esti tipu de xente, que tipu de xente diba dir a la conferencia y qu'esta xente quería autoapropiase d'esta charra. NUN MOVIERON UN DEU PA REFUGAR PROBLEMES Y SIGUIERON ALANTRE CON ESTA CONFERENCIA, cumpliéndose na realidá tolos problemes que s'alvirtieron d'anteman. Los organizadores d'esti eventu son cómplices direutos de tolos problemes qu'hebo, dando espaciu y abellugu a esti tipu de personaxes".

Per otru lláu, tamién denuncien "la total impunidá cola qu'actúa la estrema drecha n'Asturies. Decenes de neonazis llegaron a la manifestación de la Plataforma d'Afeutaos pola Hipoteca col envís de reventar esta convocatoria y esparder el so mensaxe xenófobu, siendo espulsaos de la manifestación poles persones que taben na Plaza L'Humedal, non enantes d'agredir y amenazar a munchos manifestantes. La Policia Nacional escoltó a los mesmos depués de la so provocación, protexendo a esti grupu y ensín nenguna consecuencia pa colos provocadores, pesie a espardir públicamente idees racistes y agredir ya insultar a dalgunos ciudadanos. Nun ye la primer vegada qu'actúen d'esta forma, infiltrándose nos movimientos sociales y actuando cola collaboración y complicidá de la policía española".

Darréu considera importante "amosar la nuesa esmolición pola total coordinación, complicidá y collaboracionismu d'esti tipu de grupúsculos racistes y la Policia Nacional. De toes y toos ye bien sabio que munchos d'estos elementos ultra-derechistes trabayen nos cuerpos de represión o tienen una clara vinculación con ellos. El sábadu la polícia reprimió a golpe toletazu la concentración antifacista que s'entamó en señal de protesta y nesi intre los neonazis aprovecharon pa dar salida a la so violencia contra la rempuesta social, agrediendo al mesmu tiempu neonazis y policia a dellos ciudadanos, inorando la Policía Nacional estes agresiones y furrulando d'una forma mui compliz con un grupu violentu d'estrema drecha".

Pa finar, alerten "del peligru del xorrecer d'estos grupúsculos d'estrema drecha y animamos al Pueblu Trabayador Asturianu a, como fexo'l pasáu sábadu, separte a estos elementos reacionarios de les lluches sociales d'anguañu. Estos grupos actúen, como la mesma policía, de fuercies de choque de los intereses del Estáu Español y los capitalistes contra la rempuesta y axitación social. Por muncho que quieran aparentar, con un mensaxe populista y pseudosocial, unos fines comunes, son los mesmos defensores de la intolerancia, el capitalismu y la reación facista de siempres", al tiempu que llamen a la unidá antifacista.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies