Culturas

Dada presenta o suyo disco en «El Tunel»

Dada ferá iste sabado en ‘El tunel’ a presentación d’o suyo primer disco ‘Rock and roll kabaret’. Ista colla consiguió ganar en a edición de 2010 o concurso Popyrock que organiza todas as anyadas o Servicio de Choventut d’o Concello de Zaragoza. O premio estió a grabación y distribución d’iste disco y a suya presentación....
| 4 mayo, 2012 11.05

Dada ferá iste sabado en ‘El tunel’ a presentación d’o suyo primer disco ‘Rock and roll kabaret’. Ista colla consiguió ganar en a edición de 2010 o concurso Popyrock que organiza todas as anyadas o Servicio de Choventut d’o Concello de Zaragoza. O premio estió a grabación y distribución d’iste disco y a suya presentación.

Continando con l’esprito que vienen tenendo en as anyadas que levan actuando, Dada ferá un cabaret bien acompanyaus por arrienda artistas. Dende as 21 y dica la meyanueit pasarán por o scenario d’o Vico Oliver Diego Peña, Jaime Ocaña, Samba da praça, Pablo Scratch y Martin a o baixo, Funny Magic Creepy show, Pepin Banzo, China Chana, Daniel Rabanaque, Comando cucaracha, Mc Mariposa y pep4, Don nadie, Pato y Hernán, Noche, Kambalaya, Artistas del Gremio y prou que sí … Dadá. Humor, machia, poesía, contorsionismo… y muita mosica de toda mena.

O disco tien 14 temas entre as que trobamos tanto cantas suyas como versions. O pre d’o concierto lo decidirá cadagún seguntes creiga pues, seguntes Dadá ‘¿Quanto vale una riseta? ¿Y un baile? ¿Quanto vale emocionar-se? ¿Quanto vale o treballo d’os artistas? ¿De verdat vale menos que no un cubata? ¿De verdat vale menos que no ixe tricot que merqués en Zara y que has feito servir bell par de vegadas antis d’aventar-lo t’a vasuera?‘.

Fuent: Arredol

4 mayo, 2012

Autor/Autora


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR