Craba Roya, banda de metalcore y rock en aragonés, ha lanzau este martes, 27 de mayo, lo suyo nuevo single "No i habrá paz pa os malvaus". Ye disponible en plataformas dichitals.
Se trata d'una canción "sin concesions, naixida d'a fartera y d'a dignidat". "Un chilo antifascista debant de l'auche d'a extrema dreita en o mundo y, especialment, debant d'a represión que sufren qui s'organizan y s'enfrontinan a lo poder", explican en una nota de prensa.
"Esta canción ye dedicada a los seis de Zaragoza, encausados per protestar contra un mitin de Vox, y a toz los movimientos socials d'Aragón que, día dimpués de día, se plantan debant de l'odeyo, la violencia institucional y la impunidat d'os poderosos. Perque sinyalar a lo fascismo no ye delito. Perque desfender los nuestros vicos, los nuestros cuerpos, la nuestra tierra, sí ye un acto d'amor", anyade Craba Roya.
"No i habrá paz pa os malvaus" ye "mosica de barricada, de convicción, de memoria. Una promesa cantada: seguiremos de piet, chuntos, dica que caigan toz los muros", concluye la nota.
