Lo Festival internacional de documental etnográfico de Sobrarbe, Espiello, ubre la convocatoria d'os VII premios Espiello Agora x l’aragonés. L'Dirección Cheneral de Patrimonio d'o Gubierno d'Aragón y la Comarca de Sobrarbe convocan estes premios que naixen con l'obchectivo de "difundir lo patrimonio lingüistico aragonés y fomentar la creyación audiovisual en luenga aragonesa". A traviés de Espiello se busca dar visibilidat y difusión a toz los treballos realizaus, doblaus u subtitulados en esta luenga.
Podrán concorrer a este festival totas aquellas produccions que s'haigan gravau, doblau u subtitulado en aragonés entre l'1 de chinero y lo 31 d'aviento de 2023. Lo plazo de presentación d'inscripcions finalizará lo 29 de chinero de 2024 y las personas intresadas tendrán que oficializar la suya inscripción a traviés d'un formulario web en a pachina web d'o festival: www.espiello.com y lo ninvio d'o treballo audiovisual a traviés de sistemas como wetransfer, Dropbox u d'un vinclo en plataformas como Vimeo.
Dos categorías, cheneral y escolar
Como ye habitual, lo premio Espiello Agora x l’aragonés tendrá dos categorías, cheneral y escolar. Un churau componiu per tres personas relacionadas con a cultura, la etnografía y con fuerte presencia en l'ambito d'as luengas, como l'aragonés, fallarán los premios dotaus con 900 euros y trofeo en a categoría cheneral y 500 euros y trofeo en a escolar.
“Este premio se concibe como una actividat educativa relacionada con o cine y l'aragonés y la cultura aragonesa y se reconoixe a lo millor audiovisual en aragonés realizau entre l'anyo 2023 per escolars d'educación infantil primaria, secundaria y educación de adultos”, indica Patricia Español, directora de Espiello.
Los premios Espiello Agora x l’aragonés se prochectarán y desvelarán una semana antes que prencipie lo festival Espiello. D'esta traza se les da una mayor visibilidat y protagonismo. En esta edición, los premios Espiello Agora x l’aragonés se desvelarán lo cabo de semana previo a l'inicio d'o festival, los días 9 y 10 de marzo de 2024.
La XXI edición de Espiello, Festival Internacional de Documental Etnográfico de Sobrarbe que se celebrará en Boltaña d'o 15 a lo 24 de marzo de 2024.
