Lo concurso se fa gracias a lo treballo d'as collas socials l’Aragonés en a Plana de Uesca, Consello d’a fabla aragonesa, y Plataforma Agora x l’Aragonés, la colaboración desinteresada d'as editorials Xordica, Transiberiano, y Gara d’Edizions, y l'emparo d'institucions como l'Instituto d’Estudios Altoaragoneses, la Diputación de Uesca y la Diputación Cheneral d'Aragón.
O haiku, ye un tipo de poesía chaponesa. Consiste en un poema breu, cheneralmén formau por tres bersos de zinco, siete y zinco silabas respeutibamén. A contemplazión d'a naturaleza gosa estar l'orichen d'o poema, anque no obligatoriamén. Os haigas son as ilustrazions que acompañan a los haikus, resultando un haiku ilustrau. Os haigas son de diferens estilos, y pueden tener relazión con as parolas y significau d’o haiku, u no.
O fin d’o concurso ye a promozión de l’uso de l’aragonés e d’a creazión literaria en ixa lengua en os retes sozials. O concurso se rechirá por as siguiens normas de participación:
- S’estableixen dos categorías, una pa haikus e una atra pa haigas.
- Cualsequier poema que vaiga acompañau d’una imachen, dentrará en a categoría de haigas.
- Se podrá partizipar en o concurso dende as 00 oras d’o día 18 d’abril dica las 00 de l’ 1 de mayo.
- S’abrá d’escribir en lengua aragonesa. Cualsequier modelo ortografico ye valido.
- Se i puede partizipar a traviés d’os retes sozials.
- Pa partizipar en facebook s’escribirán os haikus e haigas en o esdevenimiento ‘’7eno Concurso de haikus en aragonés’’ :
- Pa partizipar-bi a traviés de twitter s’escribirán os haikus u haigas con o hastag #VIIconcursohaikusaragones.
- Se i podrá partizipar tantas vegadas como se quiera, sin limite d’escritura de haikus u haigas.
- Os poemas s’achustarán a la metrica clasica de tres versos de zinco, siet e zinco ‘’moras’’, ye dezir, silabas metricas.
- Se conzederá un premio a lo millor haiku, e un atro premio a lo millor haiga. Os ganadors serán designaus por o churau.
- O premio consistirá en un lote de libros e materials donaus por as editorials e entidaz colaboraderas. O ganador d’a categoría de haikus rezibirá un lote, e o ganador d’a categoría de haigas rezibirá un atro lote. Os lotes serán formaus por a organizazión.
- Con a partizipazión en o concurso, s’azepta a zesión d’os dreitos de publicazión d’os haikus e haigas tanto en formato papel como en formato dichital.
- A partizipazión en o concurso suposa l’azeptazión d’estas normas.
