Iste chueves, 16 de febrero, ye Chueves Larder u Choricet, o diya que sinyala l'inte de surtida d'as garrastolendas u carnavals.
En ista calendata, a chent gosaba de salir t'o campo a minchar, y se feban corridas de bimardos de tardis; quan o sol yera cacho y se feba de nueitz, se celebraba o baile d'esfraces. Encara hue, más que más en os lugars, se remera iste diya con brendas y entropans de lenguaniza. D'astí a mazada de «Jueves Lardero, longaniza en el puchero».
En Benás se diz Chous lardé, en Campo Chous gras. En Alcanyiz y Sant Per de Calanda se clama Choricet (prenunciau choricer en os dos lugars y tamién choricé en Sant Per). T'os d'Alcanyiz ye una d'as fiestas más importants de l'anyo, pero ta Sant Per y atros lugars d'Aragón ye agora una fiesta más, y no implica deixar de treballar u d'ir t'a escuela.
Como ye tradición, feremos a suya cena correspondient, ista vegada en Casa Lambrote (antiga Paradica 2), en c/ Heroísmo 36, a ixo d'as 21.00 horas. Viene-te-ne.
AC Nogará-Religada
