En un articlo publicau por ABC lo 5 d'abril. O periodista Roberto Pérez presentó l'asociación "Amics del chapurriau" con ista definición d'o catalán en Aragón: a "luenga maña que planta cara al independentismo" "Chapurriau". En un alarde de desconoiximiento lingüistico, esfendendo a unidat d'una luenga clamada "Chapurriau" y no pas d'o catalán. Y criticando a imposición d'un standard catalán que remataría con as variedatz aragonesas orientals, pero que manimenos o "Chapurriau" arroclaría sin fer caso a las diferencias entre o catalán ribagorzano, matarranyenco u fragatí.
Pa forro bota, o periodista Roberto Pérez, aragonés de Calatayut, introduce l'adchetivo "manyo" como sinonimo d'aragonés. Moda que ye venindo dende sectors espanyolistas aluenyaus d'Aragón, y por lo tanto desconoixedors d'o significau de l'adchetivo, pero que un aragonés como Roberto habría de saber que nomás se refiere a la chent de Zaragoza. Moda que tiene como solo obchectivo desarraigar tot lo rilacionau con Aragón y fer desapareixer iste chentilicio de sieglos d'historia.
