Los diecinueves de febrero se conmemora en toz o mundo lo Día Internacional contra la LGTBIfobia en o esporte, en memoria de Justin Fashanu, futbolista profesional britanico que en 1990 se convirtió en o primer chugador en activo en declarar publicament la suya homosexualidat. Fashanu sufrió acoso, refuso institucional y una enorme presión mediatica y social que evidenciaron la profunda LGTBIfobia existent en o esporte profesional.
Baixo lo lema “Unidat frent a l'odio”, lo manifiesto central de 2026 —refirmau per distintas institucions y entidaz esportivas— mete l'accento en a necesidat de construyir un esporte verdaderament inclusivo, an totas las personas puedan participar sin medrana a la discriminación per la suya orientación sexual, identidat u expresión de chenero.
Lo coordinador d'o Rolde LGTBI de CHA, Jorge Lázaro, ha sinyalau que “lo esporte ha d'estar un espacio de convivencia, respecto y creiximiento personal, no un lugar an las personas LGTBI suframos discriminación, invisibilización u violencia per lo simple feito d'estar qui somos”.
“Encara hue, muitas personas LGTBI abandonan la practica esportiva u nunca plegan a encetar-la per miedo a lo refuso, a los insultos u a la exclusión. Esta realidat exiche una respuesta clara dende las institucions publicas”, ha anyadiu Luis Monge, coordinador d'o Rolde d'Esportes de CHA.
En este sentiu, CHA esfiende la enchegada d'una estratechia aragonesa integral pa erradicar la LGTBIfobia en o esporte aragonés, que actúe tanto en o esporte base como en o federau y lo profesional. “Esta estratechia ha d'incluyir la formación obligatoria en diversidat afectivo-sexual y de chenero pa lo personal tecnico, directivo y arbitral d'as federacions esportivas, asinas como medidas especificas pa aprevenir y sancionar conductas discriminatorias en as gradas y en toz los ambitos d'a practica esportiva”, subrayan.
Asinasmesmo, insisten en a importancia de dar visibilidat a referents LGTBI+ en totas las disciplinas, especialment en aquellas an la diversidat contina estando poco visible, como lo futbol masculino.
“Ye fundamental actuar dende la base, per medio d'a formación, la sensibilización y lo establimiento de normas claras. Pero tamién ye imprescindible que exista un compromiso firme pa aplicar lo rechimen sancionador cuan se produzcan situacions de discriminación”, ha afirmau Lázaro.
CHA recuerda que la lechislación aragonesa reconoixe lo dreito de totas las personas a participar en a practica esportiva en condicions d'igualdat y sin discriminación, y subraya la responsabilidat d'as administracions publicas pa guarenciar lo suyo complimiento efectivo.
“Lo esporte tiene un enorme potencial transformador. Puede contribuyir a construyir una sociedat mas chusta, mas libre y mas igualitaria. Pero pa ixo ye necesario actuar con determinación frent a cualsequier forma de LGTBIfobia”, ha concluyiu Luis Monge.
“Lo esporte tiene la capacidat d'unir, d'educar y de transformar la sociedat. Per ixo hemos de situar-nos con claridat frent a cualsequier manifestación d'odio”, sinyalan toz dos coordinadors.
Con motivo d'este día internacional, CHA reafirma lo suyo compromiso con a igualdat, la diversidat y la erradicación de totas las formas de discriminación, y asegura que seguirá treballando “pa que Aragón sía un referent en a defensa d'os dreitos d'as personas LGTBI tamién en l'ambito esportivo”.
