O 1 de mayo de 2026 ha visto la presentación oficial de Burz, una nueva propuesta musical que s’ha iu construyindo en silencio en os zaguers dos anyos. O proyecto chunta a Guillermo, Fer y Arturo, músicos con una larga trayectoria en bandas como El Corazón del Sapo, Brutus M3, Kuraia, Estricalla, Onki Xin, Bazka, Monaguillos sin Fronteras u Mallacán.
O disco de debut, con diez temas, ye una apuesta intensa y cargada de simbolismo, anque tamién d’enerchia y baile. Burz plantea un viache sonoro con guitarras corrosivas, baixos y baterías contundents y un treballo vocal que abre paisaches nuevos en cada escucha. As canciones, cantadas en castellano, aragonés y euskera, mezclan memoria y presente con una clara voluntat d’interpelar.
Como explican dende o propio grupo, “estas canciones baixoron en silencio y a escondidas dende montanyas luenches y ibons chelados, ta arribar dica aquí. Teneban os suyos títulos y letras antes d’estar escritas, teneban tamién a suya melodía antes d’estar tocadas y cantadas. Nomás feba falta que belún metese a man y o corazón en as frías augas d’aquel río enloqueciu, ta sacar-las y deixar que se metesen a bailar solas carrera abaixo sin aturar”.
O 23 d’abril, coincidindo con o Día d’Aragón, o grupo adelantó “Tecno-feudalismo”, una pieza que ya apuntaba a lo tono crítico y contemporáneo d’o disco. Agora, con o treballo completo publicau, Burz presenta un repertorio de diez cortes: “Amanecer 89”, “Tecno-feudalista”, “Astrolabios”, “Culebras”, “Basanta77”, “Brigada muerte”, “Out d’Asti”, “Erruak, erru osoa du”, “Rosario y Lourdes 36” y “Siluro”.
Entre ellos destacan especialmente dos temas por a suya carga de memoria. “Basanta77” ye un homenache a Vicente Basanta López, asesinau por un policía de paisano, Francisco Tovar, o 5 de febrero de 1977 en o barrio zaragozano de San José, mientras realizaba una pintada en a que se leiba “Trabajo Sí. Policía No”. O crimen, que quedó impune, forma parte d’ixa memoria que Burz reivindica.
Tamién sobresale “Rosario y Lourdes 36”, que recuerda a las hermanas Malón, de Uncastillo, asesinadas por os fascistas en agosto de 1936 en a Sierra de Santo Domingo. Teneban 22 y 18 anyos. Diecisiete días antes, habían matado a la suya mai, y meses dimpués o suyo pai murió de pena. O tema recupera una historia de represión y dolor que forma parte d’a memoria antifascista d’Aragón.
Un disco artesano entre territorios
Ver esta publicación en Instagram
A grabación s’ha feito de forma artesanal y colectiva. As canciones se grabaron en febrero de 2025 en o polígono Malpica de Zaragoza con Karlos Osinaga, y se mezclaron posteriorment en Bonberenea (Tolosa), entre finals d’ixe anyo y prencipios de 2026. As voces se registroron en Apoenea (Irun).
A portada, firmada por Adrián Lázaro Tomás, reculle o pasacalles d’os Diaples d’a Madalena en 2016, reforzando o vinculo con a cultura popular y o territorio. O diseyo y maquetación son obra de Tòfol Cruz.
O vinilo saldrá a prencipios de chulio en formato 12”, con una edición que ya puede reservar-se en pre-order. Burz irrumpe asinas con una propuesta que mezcla fuerza y melodía, memoria y presente, en un disco pensau ta sacudir y, tamién, ta bailar baixo a tormenta.
