Por tercer anyo Carlos G. Esteban completa iste reto publicando 31 nuevos relatos que se suman a los 62 que publicó en las edicions de 2019 y 2020. Entre ells, podemos trobar-ie historias de sciencia ficción, fantasía, amor u critica social entre atras muitas tematicas. Sigue asinas la mesma filosofía que fa servir en lo suyo blog Tierra de barrenaus, a on que leva ya quasi 15 anyos charrando en aragonés de toda mena de temas, prebando de contrimostrar la versatilidat d'una luenga que dende bella esfera se gosa asociar a la ruralidat y lo pasau.
Lo mes d'octubre s'ha convertiu dende fa anyos en un d'os mas creativos gracias a la celebración de Inktober, un reto a on que las personas que i participan presientan cada dia d'o mes una obra. Lo reto empecipió destinau mas que mas a los dibuixants pero s'ha iu ixamplando a atras disciplinas, como la literatura.
Los relatos se pueden leyer en lo blog y serán proximament publicaus en formato fanzine igual como se fació los anyos anteriors baixo los titols de Tintubre pa los relatos de 2019 y Inkventos d'octube pa los de 2020. Carlos G. Esteban contina d'ista manera con la suya actividat literaria que le levó a publicar tamién los libros Parola de Follet y Penchada d'un filo, totz dos editaus por l'Asociación Cultural Nogara a on que leva treballando a-saber-lo anyos en la desfensa y difusión d'a luenga aragonesa.
