Aragón estió representada en a Conferencia Mundial de Mullers de Base d’Atenas

Os diyas 30 y 31 de chinero se fació a o canto d’Atenas, en Elefesina, a Conferencia Mundial de Mullers de Base a ran Europeo, en a que estió convidada una delegación de mullers d’Aragón. Dita delgación heba de fer dos informes ta prensentar-los en a Conferencia uno sobre a situación y a luita d’as mullers en Aragón y atro sobre as mullers chovens aragonesas.

Aragón estió representada en a Conferencia Mundial de Mullers de Base d’AtenasOs diyas 30 y 31 de chinero se fació a o canto d’Atenas, en Elefesina, a Conferencia Mundial de Mullers de Base a ran Europeo, en a que estió convidada una delegación de mullers d’Aragón. Dita delgación heba de fer dos informes ta prensentar-los en a Conferencia uno sobre a situación y a luita d’as mullers en Aragón y atro sobre as mullers chovens aragonesas.

O diya 30 de tardes dimpues d’a chenta a conferencia prencipio con a intervención de 15 mullers de diferents partes de Grecia que mos charraron d’as suyas problematicas concretas. Bi habió representants d’as 595 treballaderas d’a limpieza, que han teniu una dura luita en os suyo treballos en o ministerio de economía en Atenas, mullers de Thessaloniki que fan parti d’o cubilar de mullers d’ista ciudat, mullers que luitan contra a contaminación d’a mina d’oro de Skouries, una colla de mullers que luitan por o dreito a la sanidat y salut publica d’as mujeres (ya que muitas no tien acceso a ista a la hora de dar a luz) y asinas-asinas. Gracias a las traductoras voluntarias podiemos sentir as experias d’istas mullers y muitas más que mos aduyoron a comprender como ye a situciación d’as mullers treballaderas en Grecia y como cal continar luitando por os suyos dreitos ta que os politicos actuals ascuiten as suyas demandas y las representen.

O diya 31 a chornada precipio muito luego, a las 9 d’o maitin en o Centro Cultural de Elefesina. Tot o maitin estió dedicau a explanicar y debatir os informes d’os diferents países. En primeras, se metió ficacia en a situación d’as mullers Kurdas y se les ninvio toda a solidaridat ta ellas y ta la suya luita como pueblo. Dimpués a resta de mullers explanico como en os suyos pueblos as mullers también se troban con retalles d’os suyos dreitos y manimenos as politicas que se fan no paran cuenta d’a metat d’a sociedat. Por Aragón charro Asún Gulina, representant d’os movimientos socials y vecinals, que fació vistera a triple opresión a la que son sozmesas as mullers aragonesas (de clase, nacional y de chénero) y como no se pueden trestallar istas tres luitas que van chuntas ent’o mesmo camín. Tamién como dende a cucha muitas vegadas en a historia a luita feminista a estau excluida d’o suyo discurso y isto ye una error alazetal, ta ixo remató con una important cita de Rosa Luksemburg : “Qui ye feminista y no ye de cuchas no tien estratechia. Qui ye de cuchas y no ye feminista no tien profundidat”.

Por atro costau, de meyodiyas, se fació una manifestación por as carreras d’Elefesina ta fer-nos viyer y amostrar que chuntas podemos concarar a iste sistema heteropatrical y capitalista que mos afoga. Dimpués d’a manifestación as mullers Griegas d’a organización mos ufrioron una chenta ta pillar fuerzas ta poder continar con os debatz d’a tarde.

De tardes, d’una man s’explanicoron os informes d’as mullers chovens y d’atra man se metioron os alazetz ta la vinient conferencia que será a ran mundial en 2016 en Nepal. Respective a la muller choven, por Aragón charro Silvia Cebolla, Cordinadera Nacional d’a organización chovenil Purna, que destacó o déficit de población femenina que bi ha en as zonas rurals d’Aragón, más que más de mullers chovens que ye causau por as pocas oportunidatz laborals y formativas que bi ha en os lugars. Antimás charro de como se desembolica a luita feminista en cheneral y en as calendatas más importants como o 8 de marzo. Ta rematar resalto a luita tradicional d’a esfensa d’a tierra que se fa en Aragón con o tema d’os entibos, metendo o eixemplo d’a luita contra l’entibo de Yesa.

Antis de pasar t’o zaguer bloque d’a conferencia s’ubrió un debat en o que participó atra d’as delegadas aragonesas, Lucero Bru, representat d’os movimientos vecinals, que charro d’as mullers inmigrants en Aragón y a suya situación de precariedat laboral y de protección social.

Alabetz, a chornada contino con a prepararción d’a conferencia de Nepal, ta isto se facioron collas de treballo, se proposoron actividatz, se trigó a las coordinaderas europeas se facioron resolucions ta desembolicar a cooperación y o refirme mutuo. D’istas resolucions cal detacar la que se fació ta refirmar o cambio economico en Grecia y a suya salida d’a precariedat provocada por o capitalismo.

Ta rematar a conferencia un atra vegada as organizaderas griegas mos convidoron a una cena que paroron ellas con birolla tipica griega, en a que podiemos charrar con a resta d’asistents, intercambiar impresions y disfrutar d’a birolla y os bailes griegos.

Delegación de Mullers de Base d’Aragón | Ta AraInfo

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies