Con una inversión de 2,2 millons d'euros, esta infrastructura cientifica reemplazará a lo CaesarAugusta III, puyando la suya capacidat dica seis vegadas más y fendo a lo nodo aragonés parti important d'o RES (Ret Espanyol de Supercomputación). Agustina, nombre que se le ha dau localment, ya forma parte d'a élite d'a capacidat de calculo cientifico chunto a maquinas como lo Marenostrum de Barcelona, lo Finisterrae de Santiago de Compostela u lo Picasso de Málaga.
La presentación, que estió en l'Instituto de Biocomputación y Fisica de Sistemas Complexos (BIFI) d'a Universidat de Zaragoza, tenió a participación de destacadas figuras, como las vicerrectoras de Politica Cientifica, Rosa Bolea, y de Transferencia y Innovación Tecnolochica, Gloria Cuenca, asinas como la directora cheneral de Ciencia y Investigación d'o Gubierno d'Aragón, Pilar Gayán, y los directors d'o BIFI, Yamir Moreno, y d'a Instalación Cientifico Tecnica Singular, Alfonso Tarancón.
Lo CaesarAugusta IV, parti d'a RES, s'eriche como un pilar fundamental pa la prochección investigadera d'Aragón. La suya potencia de calculo d'alto rendimiento, basada en procesadors CPU de zaguera cheneración, y gran capacidat d'almagacenamiento de datos, suposan una inversión por dencima d'o millón d'euros y aconsigue una capacidat de cómputo, alto u baxo, de 500 TFLOPS.
O RES establido en marzo de 2007 per iniciativa d'o Ministerio d'Educación y Ciencia, fa una Infrastructura Cientifica Tecnica Singular (ICTS) distribuyida a lo largo de tota la cheografía espanyola. Este ret ha 14 nodos interconnectaus per medio de rez d'alta velocidat. Lo suyo primer obchectivo ye dar recursos y servicios de supercomputación, chestión de datos y intelichencia artificial esencials pa la realización de prochectos cientificos y tecnolochicos innovadors y d'alta calidat. O RES opera per medio de convocatorias competitivas, basadas en a excelencia cientifica d'os prochectos que se levarán a cabo.
Lo supercomputador Agustina dará servicios de calculo intensivo a cientificos a traviés d'o Comité d'acceso d'a RES, mesmo como a grupos d'investigación en Aragón y atros centros d'investigación estatals y europeus. Tamién s'aspera que aduye a cuantos prochectos de colaboración con interpresas, fendo fuertes os lazos entre l'ambito academico y l'empresarial.
En una segunda fase, programada pa l'anyo 2024, se preveye l'adquisición d'un segundo equipo, basau en GPUs y orientau a l'uso en Intelichencia Artificial, respondendo asinas a la creixent demanda en este campo. La inversión total de 2,2 millons d'euros pa 2023 y 2024 viene de fondos d'o Ministerio de Ciencia y Innovación y d'a Unión Europea.
A directora cheneral de Ciencia y Investigación d'o Gubierno d'Aragón, Pilar Gayán, destacó que lo CaesarAugusta IV empentará significativament a capacidat investigadera d'Aragón en un sector estratechico, contribuyindo a lo desembolique dichital y aumentando la competitividat d'o teixiu empresarial y social d'a rechión.
Per la suya parti, as vicerrectoras de Politica Cientifica y de Transferencia y Innovación Tecnolochica destacón a importancia d'esta nueva infrastructura, que mete a Aragón en a primera división d'a computación y fomenta la transferencia de conoixencia a traviés de l'Aragón European Dichital Innovation Hub.
“La instalación d'esta nueva maquina, amás d'un aumento d'a capacidat de calculo, suposa lo primer trango enta un sistema muito mas integrau y con una escalabilidat muito mayor tocant a capacidat operativa, control ambiental y control espacial d'as nuestras instalacions. Aspecto que sin duda nos va a permitir dar un servicio y realizar lo treballo, tanto a lo mío companyero John Díaz como a yo, de traza muito mas comoda y eficient.” comentaba Daniel Martínez, Responsable d'infrastructuras de computación y administrador de sistemas en o BIFI.
Los directors d'o BIFI y d'a Instalación Cientifico Tecnica Singular coincidioron en a creixent demanda de tecnolochía HPC (High-Performance Computing) en un mundo globalizau, enfatizando cómo lo CaesarAugusta IV facilitará abances cientificos y tecnolochicos a un coste enerchetico reduciu. S'aspera que este superordenador empente la investigación en diversos sectors, dende lo disenyo de materials dica la optimización de procesos y lo desembolique d'intelichencia artificial.
