Actos de presentación d’a campanya por os 20 anyos de luita chovenil

«…aquí ye una d’as fainas d’a choventut: empentar, dirichir con l’eixemplo a producción d’o hombre de maitin. Y en ista producción, en ista dirección, ye comprendida la producción de si mesmos…». Che Guevara. 20 anyadas d’experiencias y intervención en a luita chovenil que celebraremos durante tot lo 2012 a travies de conferencias, exposicions, rufiertas y actos por tot lo territorio nacional. Con tot y con ixo animamos a la sociedat aragonesa a que participe d’ista parti d’a historia, que participe d’iste lau d’a barricada, d’ista resistencia que nos ferá vencer. [Zaragoza] Chueves 12. Exposición y Concierto: Pablo Hasél + Aitor Cuervo …

…aquí ye una d’as fainas d’a choventut: empentar, dirichir con l’eixemplo a producción d’o hombre de maitin. Y en ista producción, en ista dirección, ye comprendida la producción de si mesmos…». Che Guevara.

20 anyadas d’experiencias y intervención en a luita chovenil que celebraremos durante tot lo 2012 a travies de conferencias, exposicions, rufiertas y actos por tot lo territorio nacional. Con tot y con ixo animamos a la sociedat aragonesa a que participe d’ista parti d’a historia, que participe d’iste lau d’a barricada, d’ista resistencia que nos ferá vencer.

[Zaragoza] Chueves 12. Exposición y Concierto: Pablo Hasél + Aitor Cuervo

Iste venient chueves 12 d’abril hemos parau dos actos que se troban dentro d’as chornadas de presentación que somos fendo d’a campanya d’os 20 anyos de luita chovenil, en remeranza d’as organizacions chovenils aragonesas que han confluyiu en a creyación de l’actual choventut independentista y revolucionaria. En as 21.00 presentamos a exposición con materials graficos: pegallos, cartels, fotos… d’as organizacions d’istos 20 anyos de luita chovenil. A presentación se ferá en A Flama (C/Mayor 53, Zaragoza) an l’exposición remanirá dende iste abril dica mayo. Dimpués ista se levará a atros puestos d’o país como Teruel o Uesca.

Dimpués d’a presentación en as 21.30 se ferá o primero d’os conciertos que ubren a campanya que en iste caso será un recital de poesia revolucionaria d’os companyers Pablo Hasél y Aitor Cuervo que presentan en Zaragoza o suyo poemario conchunto. Iste concierto se ferá o en El Refugio del Crápula (C/Mayor 56) y tendrá un bono de refirme de tres euros.

[Zaragoza] 13 d’abril: Concierto-Borina presentación d’a campanya por os 20 anyos de luita chovenil

O venient viernes 13 d’abril feremos un concierto-borina de presentación d’a campanya por os 20 anyos de movimiento chovenil aragonés. L’acto será en o CSO Kike Mur, en a Plaza d’a Memoria Historia, l’antiga garchola de Torrero. En o concierto actuarán dos collas mosicals: ENATIZO, chent dende Binefar-Monzón que fan punk-rock y SOBIEHT, una colla de metal que plega con as suyas melodias revolucionarias dende Euskal Herria. Dimpués d’as collas se ferá una borina en o mesmo puesto con os dj’s Aló Residente! y Gus Gusino. I habrá un bono de refirme de tres euros y en tot l’acto se venderá mojito asinas como materials d’a organización.

Totz os diners aconseguius s’emplegarán en a financiación d’a organización y d’a campanya en remeranza d’os 20 anyos de luita chovenil. O concierto-borina prencipiará a las 21.00, se ferá un acto politico y se prochectarán videos d’a campanya.

[Uesca] 14 d’abril. Charrada 20 anyos & Concierto (Pablo Hasél + Aitor Cuervo)

O venient 14 d’abril se ferá a primera charrada d’a campanya d’os 20 anyos que ye empentando Purna y que quiere remerar as experiencias historicas d’a choventut organizada aragonesa. Ista primera charrada será en Uesca, en l’Asociación de Vecinos Casco Viejo «Osce Biella» C/ San Salvador, 8 baixo 1, y se tractará a historia d’o independentismo chovenil aragonés, dende una perspectiva historica y una uellada a l’esdevenidero. L’acto prencipiará a las 19.00 horas.

Dimpués, a las 21.30, se ferá o concierto-recital de Pablo Hasél y Aitor Cuervo que presentan en Uesca o suyo poemario conchunto. O concierto será en a Sala Edén (Pasaje Avellanas) y bi habrá un bono de refirme de tres euros.

Istos actos son os primers que organiza a nueva Asambleya Local de Purna en Uesca.

Purna | A Chovenalla Revolucionaria y Independentista

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies