A colla local en Tarazona de Nogará realiza un video para o prochecto 'txikiak handi' d´o Nafarroa Oinez

A colla local en Tarazona de L'Asociación Cultural Nogará, a Colla Gonzalo Ferrer, ha realizau un video pa participar en l'actividat que esta anyada a encetau a organización d'o Nafarroa Oinez dentro de o suyo prochecto 'txikiak handi' (chicotz pero grans). A iniciativa entra dentro de o que se conoixen como bitbeats, "ye decir un conchunto de videos curtos que tienen o mesmo conteniu dende diferents visions". O video en qüestion presienta "una colleta de chent que, chentando, fan notar que cosas chiquetas como a sal y l'aceite son muito importants en a mesa, igual como as luengas chiquetas, por …

nogara oinezA colla local en Tarazona de L'Asociación Cultural Nogará, a Colla Gonzalo Ferrer, ha realizau un video pa participar en l'actividat que esta anyada a encetau a organización d'o Nafarroa Oinez dentro de o suyo prochecto 'txikiak handi' (chicotz pero grans).

A iniciativa entra dentro de o que se conoixen como bitbeats, "ye decir un conchunto de videos curtos que tienen o mesmo conteniu dende diferents visions". O video en qüestion presienta "una colleta de chent que, chentando, fan notar que cosas chiquetas como a sal y l'aceite son muito importants en a mesa, igual como as luengas chiquetas, por eixemplo l'aragonés, en son". Este video "quiere estar parte d'as actividatz d'inicio de o curso, chunto a la ofierta de cursos d'aragonés en Tarazona y d'una actividat de difusión o día sabado 19 d'octobre".

Se prencipiará este día con una cursa que saldrá dende Lituenigo an que "podremos conoixer a riqueza d'a flora y fauna de a redolada y a presencia de l'aragonés en a cultura que l'acompanya, pa dimpués arroclar a los participants en una chenta-lifara en a fuent d'os ancebillos y rematar a chornada con una charrada que ixamplará o visto de maitins en a cursa".

Esta chornada de convivencia quiere fer atención en "a ofierta de cursos y en que a l'atro'l día, o día domingo 20 d'octobre se celebra o Nafarroa Oinez en Tudela, fiesta d'as ikastolas navarras y precursora de o prochecto que ha motivau a realización de o vídeo debantdito, convidando a totz os aragonesofabants a participar-ie chunto a os miembros de a colla Gonzalo Ferrer en un acto de solidaridat con as luengas minorizadas vecinas y fendo vistera a nuestra realidat como luenga en un foro tant prestichioso como o Nafarroa Oinez".

Qui seiga interesau en os cursos que se fagan en a Comarca de Tarazona pueden dirichir-se a tarazona@nogara-religada.org, a o perfil de facebook u gritar a o 609 617 687.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies