Comunicado | Bloque Independentista de Cuchas (A Enrestida, A Clau Roya, Purna, Puyalón de Cuchas, Universidat).- Yan son 6 as anyadas en as que a chobenalla d’Artieda, o Bloque Independentista de Cuchas y o Concello d’Artieda tornan a fer presénts ixe Aragón disidént y rebelde que no rebla contra la especulación, o capitalismo y a colonización d’o nuestro País.
Artieda, tornará a estar l’epicentro d’un País que contina veyendo como a esferra d’Aramón u d’a “Confederacion Hidrográfica del Ebro”, a vergonya d’as retalladas, u l´amenaza d’os pantanos de Yesa, Biscarrúes, Mularroya u Aguaviva continan estando presents.
Porque nusatras no xublidamos os mons d’Exulve, ni a pista electrica d’a Ribagorça, ni os trescols en a Uerba. Ni tantas y tantas esferras que cruzán nuestro País; fendo d’iste una mera colonia.
Por ixo, tornamos ista anyada ta Artieda, porque iste lugar ye un puesto dinno ta la chen que esfiende a suya tierra. Porque no deixamos de remerar Yesa ni Mularroya, Ni o nuestros mons ni os Monegros, Ni a nuestras luengas y cultura.
Porque esfender a tierra no ye dengun delito! Artieda 2013 – Esfendemos a Tierra 19, 20 y 21 de chulio. Esfendemos a Tierra! Artieda No rebla! Yesa No!
