La biblioteca historica d'o palacio de Sástago, en Zaragoza, ubrirá las suyas puertas los proximos 17 y 20 de noviembre a dos actividaz dedicadas a la difusión de l'aragonés y lo catalán. Las trobadas fan parte d'o ciclo “Biblioteques que parlen llengües pròpies / Bibliotecas que hablan lenguas propias”, impulsau per la Diputación de Zaragoza con o refirme d'o Ministerio de Cultura.
La primera cita será lo martes 17 de noviembre, a las 12:00 horas, con a charrada “Conversa amb Susanna Barquin / Conversa con Susana Barquin”. La programación continará lo viernes 20 de noviembre, tamién a las 12:00 horas, con a sesión de narración “Històries de l’Ebre / Historias del Ebro”, a cargo de Jesús Pescador.
Las dos actividaz tienen plazas limitadas y cal inscripción previa, que se puede fer trucando a lo telefono 976 28 88 00, extensión 8392. L'acceso a la biblioteca se fará per la dentrada d'o palacio de Sástago situada en a plaza de España.
Lo deputau delegau d'o Servicio de Archivos y Bibliotecas, José Manuel Latorre, ha destacau la importancia d'ista programación ta preservar la diversidat lingüistica aragonesa. “Desde la Diputación de Zaragoza mantenemos un compromiso firme con la preservación y revitalización del aragonés y el catalán de Aragón, que son parte esencial de nuestra identidad histórica y cultural”, ha sinyalau.
Latorre tamién ha defendiu la utilización d'espacios culturals emblematics ta acercar istas luengas a la ciudadanía. “Abrir espacios emblemáticos como la histórica biblioteca del palacio de Sástago a estas actividades permite darles mayor visibilidad y acercarlas a toda la ciudadanía como un instrumento vivo de cohesión”, ha adhibiu.
Un programa anual de 50.000 euros
Las dos actividaz s'integran en o programa de promoción cultural en aragonés y catalán que la Diputación desarrolla durant 2026, con una dotación presupuestaria de 50.000 euros. La iniciativa s'estructura en ueito bloques d'actuación que incluyen trobadas literarias, publicacions, formación, tallers, animación a la lectura, artes escenicas, exposicions y accions de difusión.
Entre las actuacions previstas bi ha charradas con escritoras y escritores en aragonés y catalán en diferents municipios, asinas como la publicación de l'“Atlas Lingüístico de Aragón y del aragonés”.
Tamién se contempla lo proyecto REPLEGA, destinau a la creyación d'un diccionario de lexico aragonés accesible per una aplicación web y aplicacions mobils.
En l'ambito de l'animación a la lectura, lo programa incluye siete actividaz de contacuentos en aragonés baixo lo titol “Istorias de l'ortal”, amás d'as sesions “Històries de l’Ebre”, en catalán. Unatra d'as propuestas ye una exposición conmemorativa d'o 550 aniversario d'a imprenta en aragonés (1476-2026).
La programación se desarrolla a traviés d'as bibliotecas publicas d'o territorio, con l'obchectivo de fomentar lo conoiximiento, l'aprendizache y l'uso cotidiano d'as luengas propias d'Aragón, especialment en os municipios an que mantienen lo suyo arraigo cultural.
