O punk, o hip-hop, a electronica y os sonius experimentals tienen una cita iste domingo 11 d'octubre en l'Arrebato, en Zaragoza. Gailu, d'Euskal Herria, y Zorz, d'Aragón, comparten escenario en un concierto que prencipia a las 19:30 horas.
O cartel d'a cita incorpora dos consignas politicas: “Fuck Data Centers” y “Free Palestine”. Un posicionamiento contra os centros de datos y de solidaridat con o pueblo palestino que acompanya una nuei de mosica alternativa en uno d'os espacios autochechionaus d'a ciudat.
Ver esta publicación en Instagram
Gailu ye un prochecto musical naixiu d'a trachectoria de musicos que han pasau por bandas como BAP!!, Inoren Ero Ni, Anari u Negu Gorriak. En a suya propuesta se mesclan o punk, o hardcore, o hip-hop d'a viella escuela, a poesía recitada, o dub, o drum & bass y a electronica.
En setiembre de 2025 publicoron o suyo cuarto disco, “Bizi eta ixo!!”, y en febrero de 2026 se incorporó como baixista Hodei Esteban, músico de Zarautz con trachectoria en Occhi Di Farfalla, Erantzun y Estricalla.
Antes d'a cita zaragozana, Gailu toca o sabado 10 d'octubre, a las 22:30 horas, en o CSA L'Argilaga de Massalió, en o Matarranya.
Ver esta publicación en Instagram
Por a suya parte, Zorz ye una banda entre Muel y Zaragoza formada por Emilio, Chabi y Chemari. O suyo soniu se mueve entre o punk, o techno, o trip-hop, o lo-fi y a electronica, con una forma de fer musica marcada por l'autochechión y a libertat creativa.
Dimpués de presentar-se con o tema “80 lights”, o grupo ha publicau recientment a suya primera maqueta, tanto en caset como en formato dichital.
Ver esta publicación en Instagram
Como contaban en AraInfo en “Zorz: extreme DIY desde O Cado”, as suyas letras fablan “de la vida, de la lucha, de la noche… De lo que nos apetece, como nos apetece y en el idioma que nos apetece”.
Dos bandas, dos territorios y una mesma manera d'entender a musica: sin domesticar o soniu ni pedir permiso ta fer ruido.
