La Comunidat de Teruel conta ya con 23 nuevas rutas cicloturistas financiadas con cargo a lo Fondo d'Inversions de Teruel (FITE), con una longaria conchunta de 279,57 kilometros, en o marco d'a primera fase d'o prochecto Bicitela. L'actuación, que la suya inversión executada asciende a cuasi 200.000 euros, ha permitiu dotar a lo territorio d'una ret senyalizada, accesible y equipada con quince estacions de reparación de bicicletas y rutas que unen un total de 34 municipios d'a comarca.
Asinas l'ha confirmau lo consellero de Meyo Ambient y Turismo d'o Gubierno d'Aragón (DChA), Manuel Blasco, que ha asistiu a la devantadera d'esta primera fase d'o prochecto, chunto a lo president d'a Comunidat de Teruel, José Herrero, lo subdelegado d'o Gubierno d'o Estau espanyol en o sud d'o país, Enrique Gómez, y l'alcaldesa de Celadas, Raquel Clemente, chunto a atros representants institucionals.
Las 23 rutas desenvueltas connectan diferents municipios d'a comarca y discurren mayoritariament per camins municipals y, de forma puntual, per tramos asfaltaus. Se trata de itinerarios cicloturistas, no de BTT, sin dificultaz tecnicas, disenyaus pa tot tipo d'usuarios y especialment adaptaus pa bicicletas electricas, con l'obchectivo de permitir desfrutar d'o patrimonio natural y paisachistico de forma segura, accesible y respectuosa con o meyo ambient.
Suman un total de 279,6 kilometros y connectan distintos municipios d'a Comunidat de Teruel. D'este modo, lo ret ye componiu per Mas Cabrera–Tormón (19,7 kilómetros), Riodeva–Cascante (14,0), Cascante–Cubla (4,5), Tramacastiel–Villel (11,2), Valdecebro–Corbalán (8,9), Corbalán–Cuevas Labradas (12,7), Monteagudo–El Pobo (9,1), El Pobo–Ababuj (12,3), y Aguilar–Galve (16,8).
Completan lo ret Galve–Cañada Vellida (10,0 kilómetros), Pancrudo–Cervera (7,5), Pancrudo–Alpeñés (6,1), Alpeñés–Portalrubio (4,9), Lidón–Rillo (11,7), Perales–Rillo (13,0), Fuentes Calientes–Villalba (12,4), Orrios–Perales (6,4), Alfambra–Escorihuela (7,6), Aguatón–Torrelacárcel (14,5), Torrelacárcel–Alba (4,4), Santa Eulalia–Alfambra (28,9), Celadas–Alfambra (14,8), y Celadas–Camañas–Visiedo (28,3).
Lo prochecto contempla tamién la instalación de 15 estacions de reparación de bicicletas en Alfambra, Alpeñés, Cascante, Celadas, Corbalán, El Pobo, Galve, Mas de la Cabrera en Tramacastiel, Monteagudo del Castillo, Pancrudo, Perales del Alfambra, Rillo, Santa Eulalia del Campo, Tramacastiel y Torrelacárcel. Esta actuación s'ha executau con cargo a lo Fondo d'Inversions de Teruel, financiau a lo 50% entre lo Gubierno d'Aragón y lo Gubierno d'o Estau espanyol.
