Baixo lo títol “L'abance d'a ultraderecha en l'archentina de Milei y lo movimiento sindical”, Federico Giuliani, secretario cheneral ATE y CTA A - Cordoba Archentina, ofrirá una charrada en Zaragoza en a semana que Aragón homenajea la figura d'o Chusticia d'Aragón y los dreitos y libertaz d'o Pueblo aragonés.
Lo sindicalista archentino, que reside actualment en Euskal Herria baixo un programa de protección pa defensors de dreitos humans, dimpués d'haber estau deteniu, golpeato y engarcholau en o marco d'una protesta pacifica, denuncia “un creixent acoso politico-chudicial”.
Ye imprescindible “tener una mirada critica y conoixer como la ultraderecha abanza en o mundo”, suposando un retroceso tanto en libertaz como en “la destrucción d'os nuestros servicios publicos a favor d'o capital” y esta trobada con un sindicalista archentino “seguro que nos fa reflexionar” sobre los desafíos a los cuals nos podemos trobar si la ultraderecha en o nuestro país, Aragón, u tamién en o Estau espanyol, sigue abanzando “y consigue gubernar u influyir en as politicas que se leven a cabo”, recalcan os sindicatos aragoneses que organizan l'acto.
