L'alcalde de Plan, José Serveto, lamenta que lo Gubierno d'Aragón “siga mirando pa unatro costau cuan hemos alertado d'a peligrosidad d'esta carretera en reiteradas ocasions y, mas en concreto d'a zona interior d'os túneles”, per ixo exichen “una inversión urchent pa iluminar-los, esto reduciría considerablement lo risgo”.
Serveto sinyala que “fa tiempo que somos asperando que prencipien los treballos. Y mientres lo tiempo pasa, la sola carretera d'acceso a la val, se degrada” y recuerda que en mayo pidioron a l'executivo que preside Jorge Azcón “deixar los parches y actuar en tota la carretera A-2609, pero pareixe que esta zona d'Aragón no le intresa a lo suyo president”.
Lo primer edil muestra la suya preocupación per la temporada que agora prencipia, “en verano s'incrementa la circulación tanto d'autos como d’autocaravanas, autobuses, motos y bicicletas. Son metendo en risgo no nomás la vida de qui nos visitan, tamién de qui vivimos aquí entre tot l'anyo. Nusatros mantenemos viva la val, somos pocos vecins y luego seremos menos perque beluns ya empecipian a plantiar-se ir a vivir a atras zonas de Sobrarbe per la inseguridat que chenera esta carretera. Nos tratan como si estásenos ciudadans de segunda”.
Una vegada mas, José Serveto alude a lo prochecto de reforma integral d'esta vía que presentó l'anterior executivo aragonés en mayo de 2023 “ye mas que necesaria, i hai tramos con un deterioro muito acusau, en zonas d'os túneles no cullen dos vehíclos de gran grandaria a la vegada. Lo gubierno d'Azcón ha d'actuar, nomás cuan prencipien los treballos alentaremos tranquilos”, concluye.
