La Pantera Rossa aculle este martes la V edición de la iniciativa cultural "Afinidades Electivas" que organiza a Dirección Cheneral d'o Libro, d'o Cómic y d'a Lectura dende 2020 an se dan cita autoras y autors de distintos cheneros literarios en librerías independients. Cada trobada reune a dos personas que escriben en diferents luengas d'o Estau espanyol con l'obchectivo de dialogar sobre las suyas semellanzas, diverchencias u connexions.
En esta ocasión, participan en o centro social librería zaragozano Inaciu Galán y González y Lucía López Marco, que escriben en asturianu y aragonés, respectivamente. Su encuentro tendrá lugar este martes, 24 de septiembre, a partir de las 19.30 horas.
Lo nuevo libro de Inaciu Galán y González "Cartes nel horru (y delles hestories mas)" ha estau traduciu a l'aragonés per Gara d' edizions como "Cartas en l' horrio (y atras historias)".
La riqueza lingüistica de totas dos luengas en as suyas obras literarias, las problematicas que se comparten, u no, en a creyación en luengas minorizadas, tanto en Asturies como en Aragón, lo suyo desembolique y abance serán belunas d'as cuestions protagonistas d'esta trobada.
Lo títol, "Afinidades Electivas", s'inspira en a obra homonima de Goethe, que desfiende que “nomás se puede entender l'alleno en haber entendiu ixo con o que yes afín”.
Ver esta publicación en Instagram
Inaciu Galán y González.Nació en Xixón nel añu 1986. Ye escritor, profesor, periodista, xestor cultural, realizador y activista pol asturianu. Trabayó en en medios como la SER y dende 2007 presenta programes na TPA, como Xente de casa o Mundu Sidreru, y en RPA, Sentir Asturies o Asturies 81:21, la hora de l’autonomía. Fundador de Iniciativa pol Asturianu y la revista lliteraria Formientu. En 2017 punxo en marcha Cuatro Gotes Producciones, onde sacaron adelantre proyectos como la plataforma de youtubers n’asturianu PlayPresta o o dalgunos de los documentales que dirixió. Doctorado na Universidá d’Uviéu cola tesis “La llingua asturiana nel Franquismu”, que ta nes llibreríes, xunto a otra docena de llibros. Dende 2022 ye miembru de númberu de l’Academia de la Llingua Asturiana.
Lucía López Marco (Zaragoza, 1988) reside enguán en Navasa (Uesca). Estudeó albeitaría. Tien un master en agroecolochía, desembolique rural y agroturismo, y un master en periodismo y comunicación cientifica. En l’anyo 2015 creyó o blog mallata.com, adedicau a o medio rural y en o que se i pueden trobar amás diferents proyectos, como mapas d’iniciativas rurals. En 2021 ganó bel premio por o suyo blog: o Premio Félix d’Azara d’a Deputación Provincial de Uesca en a categoría de medios de comunicación social; millor blog en a categoría Blogosfera Verde d’a XV edición d’os premios 20 Blogs y un tercer premio en os IV Premios CREAR de Jóvenes Creadores Aragoneses. A radiz d’o suyo treballo en o blog publicó lo libro "Haciendo Mallata" (Prames, 2023). Leva dende os quince anyos embrecada en a defensa d’a luenga aragonesa. En ista lengua ha publicau diferents relatos y poemas, ganando en 2014 o XVII concurso de coplas en aragonés de l’Achuntamiento de Zaragoza con Fillo d’as estrelas y en 2022 o Premio Arnal Cavero d’o Gubierno d’Aragón con "Cuan plegue o colapso".
