La Unión Comunera se define como un Movimiento Politico Nacional de Comunas que devanta las banderas d'o socialismo, la luita antiimperialista, lo feminismo comunal, lo ambientalismo y lo prochecto Bolivariano y Chavista d'o Estau Comunal.
A la trobada han asistiu personas de l'Asociación Río Aragón y atras organizacions socials aragonesas asinas como vecinas y vecins de Artieda “que han amanau a los companyers venezolanos la luita popular contra lo recrecimiento de Yesa”, sinyalan dende la organización de l'evento.
Per la suya parte os representants d'a Unión Comunera de Venezuela “han explicau lo funcionamiento d'o sistema electoral venezolano, y d'os procesos de participación ciudadana que funcionan en aquel país con una altisma participación popular, como lo que acaba de desenvolver-se en a zaguera semana d'agosto pa decidir en qué se gasta lo presupuesto publico en as diferents comunas”.
“Nos han contau las dificultaz que ha sufierto lo país per la crisi economica y las sancions imposadas per l'imperialismo norteamericán, pero tamién cómo tot y con tot ixo son aconseguindo uns altos índices de creiximiento economico y una notable recomposición d'os procesos organizativos bolivarianos”, recalcan.
Un animau debat estió desgranando las cuestions plantiadas per las personas asistents, y la chornada continó con una minchada y una visita a un d'os lugars desaloixaus per lo pantano de Yesa, asinas como a las obras que continan realizando-se con l'irracional prochecto d'o suyo recrecimiento.
