Con esta edición, enmarcada en a colección comarcal ‘A gabardera’, d'a cuala fa lo deceno numero, se pretende conmemorar lo Día Internacional d'a luenga materna d'a UNESCO, en este caso de l'aragonés, y difundir-lo entre la población choven d’o país.
Seguntes comenta la consellera comarcal Rocío Arnal, “la publicación ofreix lo viache de dos chicoz zaragozans a las marguinas de l'alto río Galligo, con os suyos yayos, y les permite descubrir ixas marabillas d'o nuestro patrimonio que contemplan los sieglos: las ilesias de Serrablo. Y tamién, chugar y desfrutar d'o paisache que las acubilla, tot ixo en a nuestra luenga aragonesa”.
Cal recordar que estas ilesias son situadas a lo largo d'o citau río, destacan las de Santo Bartolomé de Gavín, Sant Chuan de Busa, Larrede, Lasieso, Oliván u Susín. Este conchunto ye considerau como mozarabe pa uns y de carácter romanico-lombardo ta atros. Lo cómic, d'o cual ya s'editó una versión en castellán, se distribuyirá chunto a la ‘revista Serrablo’ en o suyo numero de marzo y ya ye disponible pa la suya descarga gratuita en a en a pachina web d'a institución comarcal.
