Concentración por a soberanía d'os pueblos "Otan y Unión Europea au de Mali" o miercols 23 de chinero, 20.00 horas, en plaza Espanya de Zaragoza.
COMUNICAU | A OTAN invade Mali ta prener o control politico d’a rechión y apropiar-se d’os recursos d’o país (rico en uranio y depositos naturals d’augua). A enrestida militar escomencipió fa una semana baixo lo falso argumento d’acotolar o terrorismo islamico, alavez o país ha estau preniu por a fuerza armada. Ixe mesmo terrorismo islamico que ha estau aliau d’as potencias imperialistas en países como Libia u Siria, ta construyir en a rechión gubiernos completament servils a os Estaus Unius y a Unión Europea, baixo a comandancia militar d’a OTAN. Ixe mesmo terrorismo islamico con que s’han chustificau as recients guerras en o Norte d’Africa y en Oriente Proximo, dentre as que bi ha que sinyalar a guerra contra Afganistán u lena guerra contra Irak, en as quals antimás l’exercito espanyol tenio un paper alazetal. A socialdemocracia internacional, luen de suposar una alternativa t’a dominación capitalista, diriche ista operación dende lo propio gubierno francés.
A posición de qui nos oposamos t’as guerras imperialistas y esfendemos a soberanía popular, no puet estar atra que o refuse a ista nueva invasión. Exichimos que d’inmediato Francia y a resta de países d’a OTAN quiten as suyas tropas d’o país y se dixe a o suyo pueblo, a suya clase treballadera y a o suyo campesinau que troben una surtida favorable a os suyos intreses, difuera d’a dominación imperialista.
Sinyalar d’a mesma traza o paper d’a Unión Europea en ista nueva misión imperialista, asinas como a complicidat de l’Estau espanyol que se compromete a nimviar un avión de transporte Hércules dende a propia base aerea de Zaragoza (Aragón).
¡Contra la OTAN y a UE! ¡Contra la guerra imperialista! ¡Por a soberanía popular!
FES, CJC, PURNA, PCPE, ASSI, CEPA y UJCE
--
Noticia relacionada:
