L'edificio Paraninfo d'a Universidat de Zaragoza ha aculliu este pasau martes, Día Internacional d'a Luenga Materna, l'acto central d'a celebración organizau per la Dirección Cheneral de Politica Lingüistica d'o Gubierno d'Aragón per esta efeméride.
Entre la chornada, mas de 200 personas con nombre en aragonés recibioron un sencillo homenache per contribuyir d'esta forma a la preservación d'o patrimonio cultural y lingüistico d'o nuestro país.
Francho, Izarbe, Jara, Chorche, Iguacel, u Alodia son beluns d'os nombres en aragonés que perduran a día de hue, estando Lorién lo mas utilizau, y que han estau reconoixius con un chicot llavero en fusta con o suyo nombre gravau.
Dende 1996 dica lo 2020, a mas de 4.800 recient naixius se les ha puesto un nombre en aragonés. En termins percentuals, representaban un 0,95 % d'os naixius en Aragón en 1996, frent a lo 3,3% de l'anyo 2020, multiplicando per quatro los nombres en aragonés entre los bebés recient naixius.
